Jowai, Nailur 30 : Ka kynhun ïalehkai jong ka 7-Wasa bad ka Nangbah Mulang mynta ka sngi (saitjaiñ) 1 tarik u Risaw kin ïaknieh ban ïoh rung sha ka phainal ha ka lympung ïalehkai ‘U Kiang Nangbah Memorial Trophy’ Super Division Football Tournament-2022 bala pynïaid da ka West Jaiñtia District Sports Association (WJDSA).
Ïa kane ka jingiakhun phainal yn pynialehkai ha madan Kiang Nangbah Stadium Dongmihsngi, Jowai ha por 2 baje nohphai sngi, ka kynhun kaba jop nangne kan ïa aireng pyrshah ia ka Ladthadlaboh kala bun jaka ïalade ha ka jingïakhun Final jong kane ka lympung mynta ka snem.
