Shillong, Naitung 25: Ka khubor ba la ïoh na ki pulit la ïathuh ba u Bah Hamebanjop Lyngkhoi u la phah ka jingujor ba hapdeng ka mied jong ka 22 bad 23 tarik mynta u bnai ki runar bym lah ban ithuh ki la tuh uwei u DG battery ba shongdor T. 20 hajar bad ka diesel kumba T. 13 hajar napoh u Tower ha Mawngap, EKH.
Ha kawei pat ka jingjia ki pulit ki la ïathuh ba u State Informatics Officer/Head Officer, National Informatics Centre Shillong u la phah ka jingujor ba ha ka nohphai sngi jong ka 19 tarik mynta u bnai ki runar bym lah ban ithuh ki la tuh ïa kiba bun tylli ki Random Access Memory napoh ka desktop computer ha NIC ophis, Shillong.
Ha kawei pat ka jingjia u Prakash Pradhan u la phah ka jingujor ba ha ka 21 tarik mynta u bnai ki runar bym lah ban ithuh ki la tuh ïa ka thuk thuk jong u kaba don u nombar AS-01EP-2408 napoh ka Dam Umtru Ri Bhoi District.
Ha kawei pat ka jingjia u Pravakar Jahong u la phah ka jingujor ba ha ka 22 tarik mynta u bnai ha ka por kumba 9 baje mynstep, u Security Guard jong ka Zakabari Higher Secondary School ba artylli ki Solar battery ba shongdor T. 36 hajar la shem ba ki la jah noh katei ka skul.
