Shillong, Nohprah 14: Ka Meghalaya Jeet Kune-Do Association (MJKA) ha ka jingïatreilang bad ka Meghalaya School of Martial Arts (MSMA) 1983 hapoh ka jingpynïaid jong ka Jeet Kune-Do Martial Arts Federation of India (JKDMFI) kala la pynlong ïa ka lympung 10th National Jeet Kune-Do Championship kaba jop ha NEIGRIHMS, Mawdiang Diang, Shillong, ha ka 12 bad 13 tarik Nohprah, 2024.
Ka Kong Bajoplin Kharmudai – General Secretary jong ka MJKA ka la lah ban wanrah nam bad burom ïa ka jylla Meghalaya da kaba khur baroh 16 tylli ki takma naduh ka takma Ksiar, Rupa bad rnong na ka bynta ka Jylla. Ka kynhun jong ka MJKA ka la ïoh ruh ban rah ïa ka khusnam lahduh lane ka Champion Trophy jong kane ka lympung 10th National Jeet KuneDo Championship.
ïa kane ka Championship la wan plie pyrda da u Mairom Kharkrang (BJP Spoke person & Ex-S.P (IPS) jong ka jylla Meghalaya) katba ha ka sngi khylliap pyrda da u Prof. Dr. Bhaskar jong ka Neigrihms Institute.
ïa ka Runner’s up trophy la khur da ka kynhun ïalehkai Jeet Kune-Do jong ka jylla Manipur, bud sa ka kynhun Jeet Kune-Do jong ka Delhi ha ka kyrdan ba lai lem bad ka kynhun Jeet Kune-Do jong ka CRPF kiba ïaryngkat poiñ.
Haba phaidien, ka MJKA ka la pynlong da kaba jop ïa ka 9th Meghalaya State Level Jeet Kune-Do Championship ha u Risaw, 2024 ha MSMA headquarter, Laitkor Kynton-U-Mon Shillong.
Ka Jeet Kune-Do ka dei ka Martial Art kaba la pynwandur da u nongïalehkai Martial Artist ba pawnam ha ka pyrthei – u Bruce Lee naduh u snem 1965 (Los Angeles).
ïa ka jingïalehkai Jeet Kune-Do la dep kynthuplang ha ka School Games Federation of India (SGFI) bad ruh da ka TAFISA bad kiwei kiwei.
U Secretary General jong ka JKDMFI u Vikash Gihiara u la pyntip ba ka National Championship ka ban wan jong ka Jeet Kune-Do yn pynlong ha New Delhi. U Dr.M.Ibomcha u la pynbna ruh ba ki nongjop na kane ka 10th National Jeet Kune-Do Championship kaba la long ha Shillong kin shah jied ban mihkhmat ïa ka Ri ha ka World Jeet Kune-Do C’ship ban long ha Hungary ha u Rymphang 2025.
