Shillong, Lber 07: Ka tnat shipai Border Security Force (BSF) Meghalaya ha ka sngi Baar ka la rakhe ïa ka sngi kyrpang jong ki kynthei lane ka ‘International Women’s day’ halor ka phang ‘Embrace Equity’.
Ki shipai BSF ryngkat bad ka ‘BSF Wives Welfare Association’ (BWWA) Meghalaya ki la pynlong bun jait ki prokram kum ki jingïalehkai, ki jingïakop shut jabieng, ka jingtem jong ka Bank bad kiwei kiwei.
Ka President jong ka BWWA ka la kren halor ki kam ba ki kynthei ki lah ban leh na ka bynta ban wanrah ka jingbha hapoh ka imlang sahlang bad ka la kyntu ruh ïa ki ban long kiba shlur ban ieng ha la ki jong ki kjat.
Ïa kane ka sngi kyrpang jong ki kynthei la pynlong ha Holly Cross Higher Secondary School, Umkiang da ki shipai BSG 172 Bn da kaba pyni ruh ïa ki tiar siat sha ki khynnah skul kiba wan shim bynta ha kane ka sngi.
