Shillong, Naiwieng 01: Ka Meghalaya Legislative Assembly ka la ïoh ïa ka khusnam Certificate of Achievement na ka Ministry of Parliamentary Affairs, ka sorkar pdeng, na ka daw ka jinglah ban pyntreikam ïa ka National eVidhan Application (NeVA).
Ïa kane ka khusnam la ïoh ha ka 3rd National Conference halor ka National eVidhan Application (NeVA) kaba la long ha Parliament House Annexe, New Delhi.
Ïa kane ka khusnam la leit ban pdiang da u Commissioner & Secretary ka Assembly u Dr Andrew Simons.
Ka NeVA ka dei ka jingsdang ka bynta ka prokram Digital India, kaba thmu ruh ban pynlong ïa ki legislative assembly ban treikam khlem da pyndonkam ïa ki kot ki sla ne ka paperless, digital system. Ka Meghalaya Legislative Assembly ka la long kaba hakhmat eh ban pyntreikam ïa kane ka rukom treikam.
Lyngba ka NeVA, ki dkhot ki lah ban pyntreikam ïa ki kam ka legislative ha la ki jong ki tablet bad kiwei ki tiar digital ban sam ia ki lad jingtip ha ki tnat bapher bapher.
Kane ka kyntiew ïa ka jingtrei kaba khuid ba suba, ka jingbha ki jingtrei, bad kiwei kiwei ki kam.
Ki jingpyrshang jong ka Ïingdorbar Thaw Aiñ ka jylla ban pynduna ka jingpyndonkam ïa ki kot ka long kaba kongsan ban pynneh ïa ka khuid ka suba.
