New Delhi, Naiwieng 01: Ïa ka ‘Kendriya Grihmantri Dak shata Padak’ la ai sha 1,466 ngut ki shipai jong ki Jylla/Union Territory (UT)/Central Armed Police Forces (CAPFs)/Central Police Organisation (CPO) na ka bynta u snem 2025.
Ïa ka takma la ai ban ithuh ïa ki kam kiba tbit, ban kyntiew ïa ka kyrdan treikam kaba ha khlieh duh bad ban kyntiew ïa ka mynsiem jong u ophisar ba donkti ha kine ki saw tylli ki bynta: (i) Jingtreikam ba kyrpang, (ii) Jingtohkit, (iii) Jingwad Jingtip, (iv) Forensic Science.
La sdang hapoh ka jingïalam jong u Myntri Rangbahduh ka ri u Narendra Modi bad ka jingpeit jong u Myntri Kam Pohïing ka sorkar pdeng uba dei ruh u Myntri ka Tnad ïatreilang u Amit Shah, ka ‘Kendriya Grihmantri Dakshata Padak’ kan kyntiew ïa ka mynsiem jong baroh ki pulit.
Ïa ka “Kendria Grihmantri Dakshata Padak” la sdang da ka jingpynbna jong ka Tnad Kam Pohïing, Sorkar India ha ka 1 tarik u Rymphang, 2024. Ïa ka khusnam Kendriya Grihmantri Dakshata Padak la ai sha ki dkhot jong ki bor pulit, ki kynhun kiba peit ïa ka jingshngaiñ, Intelligence Wing/Branch/Special Branch jong ki Jylla/ki Union Territory/ ki Central Police Organization (CPO)/ki Central Armed Police Force (CAPF) bad Forensic Science (Sorkar Pdeng / Jylla / ki Union Territory) ha kylleng ka ri India ha kaba pyrkhat na ka bynta ka jingtbit ha ki kam, ka jingshakri ba kyrpang ha ka jingtohkit, ka jingtreikam ba kyrpang, ka jingshakri kaba phylla bad ka kam kaba shlur ha ka phang jong ka Forensic Science.
Ïa ka takma la ju pynbna ha ka 31 tarik Risaw man la u snem, ha ka lyngkhuh sngi kha jong u Sardar Vallabhbhai Patel.
Ka thup jong ki nongïoh khusnam ka don ha ka website jong ka MHA – https://www.mha.gov.in
