Nongshillong, Naiwieng 01: Ka Nongshillong SecondarySchool, Nongshillong mynta ka la ïoh la ka jong ka jaka sah ne ka Quarter jong ki Nonghikai. Ïa kane ka jaka sah ki Nonghikai la plie da u MLA ka Mawthadraishan Constituency, u Bah HB Nongsiej, ha kaba la ïadon lang u MDC, Bah Jambor War.
Ïa kane ka skul la pynïaid da ka Social Services and Literacy Mission.
U Dr. DRL Nonglait, Secretary ka Mission, u la ïathuh ba ïa kane ka ka Jaka sah ki Nonghikai, la shna ha ka jinglut kaba 8 lak tyngka. Na kane ka jinglut ba 8 lak tyngka, 2 lak tyngka la ai da u MDC, 1.50 lak da u MLA bad kaba sah pat kadei kaba la pynmih hi na ka liang jong ka Mission.
Haba kren ha ka jingplie ïa kane ka jaka sah, u Bah Brolding Nongsiej, u la pynpaw ka jingsngewkmen ba kane ka skul ka la nang roi bad ka jingïoh ïa ka jaka sah ki nonghikai kan ïarap bad pynsuk shibun ïa ki Nonghikai.
Na ka liang jong u, u la kular ba un sa nang shuh ïa ka jingïarap na ka bynta ka jingdonkam kane ka skul.
La ïoh jingkren ruh na u MDC, Bah Jambor War.
