Ïoh bat ki nongshong shnong ka Jhalupara ïa uwei u nongtuh

0

Shillong, K’ Lyngkot 24: Ka khubor ba la ïoh na ki pulit la ïathuh ba ha ka 22 tarik mynta u bnai ha ka por kumba 12.30 mynstep ki nongshong shnong ka Jhalupara, Shillong ki la ïoh bat ïa uwei uba kyrteng u Azirul Marweiñ, katba u dang tuh napoh ka shnong bad hadien pat kine ki nongshong shnong ki la aiti noh ïa une u briew sha ki pulit ka Jhalupara OP, Shillong.
Ha kawei pat ka jingjia ki pulit ki la ïathuh ba ka kong Syrpailin Wahlang ka la phah ka jingujor ba ha ka 20 tarik mynta u bnai ha ka por kumba 7 baje mynstep ka para jong ka, ka kong Lilyioris Wahlang ba la 21 snem ka rta ka la mih na la ka jaka sah kaba ha ka shnong Mawbyrshem, Nongstoiñ (WKH) bad kam shym la wanphai biang. Hynrei ha ka janmied la lap pynban ïa ka metïap jong ka kong Lilyioris Wahlang napoh ka wah Wahriat.
Shuh shuh ki pulit ki la ïathuh ba u Bah Ialam Kshiar u la phah ka jingujor ba ha ka 21 tarik mynta u bnai ha ka por 2 baje mynstep ki runar bym lah ban ithuh ki la tuh ïa ka scooter jong u kaba don u nombar ML-10D-0163 napoh ka ïingsah jong u kaba ha ka shnong Umlyngkdait kaba dang hab hapoh ka Nongpoh PS (RB).

Leave A Reply

Your email address will not be published.