Jowai, Risaw 11: Ka jingïalehkai jong ka 9th Inter-dong Football Tournament 2026 kaba pynïaid da ka Seng Samla Nongtalang ka la nang ïaid shakhmat bad ha ka sngi Saitjaiñ, ka jingïakhun kala long hapdeng ka Nongtalang Mission Youth Club pyrshah ïa ka Amlariang Sports Club kala kut noh ha ka jingïakhaid da 0-0 kol.
Haba phai sha ka jingïalehkai mynta ka sngi la sakhi ïa ka jingïaryngkat bor jong kine ki team, wat la na baroh ar liang ki team kata ka Nongtalang Mission YC bad ka Amlariang SC kila pyrshang ban thaw ki lad ki lynti ban ïoh thep kol hynrei haduh ba kut jong ka jingïalehkai kim shym la ïoh ban pynkhih ïa ka jar jong ki liang pyrshah bad da kane kila poi noh sha ka jingïakhaid.
Ïaka Nam-tam (Man of the match) la ïoh da u Ruplangki Pohlynjar na ka Amlariang SC.
