Khliehriat, Naiwieng 21: U bah Pdok Tariang, uba dei uwei na ki dkhot ba paw jong ka Khliehriat Block Congress Committee naduh u snem 2003, uba jur trei shitrhem bha na ka bynta ka party, uba ju bat kum u General Secretary jong ka Khliehriat Block Congress Committee, mynta ka kynti u la iehnoh ïa ka jinglong dkhot jong u bad ka party Congress bad u la wan ban pynaisoh noh ïalade bad ka party United Democratic Party bad ong ruh ba u la rai ban ai ka jingkyrshan ba pura ïa u bah Kyrmen Shylla, u kyrtong ka UDP na Khliehriat Constituency ha kane ka MLA election kaban wan.
U bah Pdok Tariang, u ju bat ruh kum u President jong San Shnong Congress Circle bad kynthup ïa ki shnong Pynthorsale, Mookhaiialong, Mutong, Cham Cham bad Lumshyrmit, une u riew rangbah u dei ruh uba ju noh syniang bha ha ka imlang ka sahlang bad ong ruh ba ka jing mih noh jong u na ka party Congress ka dei na ka daw shimet jong u hi.
