Nongpoh, Risaw 17: Ha kawei ka jingjia aksiden kali kawei ka bos night super kala iatyngkhuh bad kawei ka trok shaktiman ka ba kit dieng ha Umling bad ha katei ka jingjia katto katne ngut ki nongleit jingleit kiba shong ha katei ka bos kila mynsaw.
Katkum ka jingtip bala ioh lum katei ka jingjia kala jia haka por kumba 7 baje eiei janmiet ha katei ka bos ka ba don ïa u number ML 05 T 8382 ka dang mih na Guwahati ban leit sha Tripura hynrei ynda poi ha Umling katei ka bos kala tynrah beit ïa katei ka trok Shaktiman ka ba don ia u number ML 10 A 7293 ka ba dang mut ban khun na shilliang sha shilliang surok bah National Highway bad ha katei ka jingjia katto katne ngut ki nongleit jingleit kiba shong ha katei ka bos kila mynsaw bad pynkit mar mar sha Civil Hospital Nongpoh ban ioh ïaka jingsumar, katba u nongñiah jong katei ka trok u la phet krad na katei ka jaka, naka liang ki bor pulit ka Nongpoh PS kila hiar mar mar sha katei ka jaka ban pynlait iaka jingdheng kali bad ban pynlong ka jingtohkit.
Naka liang ki paidbah kila iarap ruh ban weng iaki dieng kiba la hap ha surok ban lait naka jingdheng kali ka ba la neh kumba katto katne por bad ka jingtohkit halor katei ka jingjia ka dang iaid shakhmat.
