Shillong Naiwieng 16 : Ka Britannia NutriChoice ha ka sien ba nyngkong ka la pynmih ïa ka jingshakri na ka bynta ban pynsuk ïa ki briew kiba don ïa ka jingpang diabetes ban ïohi ïa ki jingbam kiba ïahap bad ka met jong ki, bad ïa kane la pyllait paidbah ha ka sngi rakhe ïa ka World Diabetes Day. Ha kane ka sienjam la pyndonkam ïa ka jingai jingmut jong u riew shemphang ha kaba ïadei bad ka rukom bam ïa ki jingbam batei bad uba long ruh u nonghikai shaphang ka koit ka khiah, U Ryan Fernando na ka bynta ba un ai ïa ka plan halor kiei ki jingbam ba long ban bam ïa kaba la pynïahap katkum ka rta bad ka jingsngewtynnad jong ki briew ban bam.
Kane ka jingïalap paidbah kan saphriang sha kumba 15 million ngut ki briew ha India bad kan ïarap ban ai jingtip shaphang kumno ban pynkhreh ïa ki jait jingbam ban ïada bad tehlakam ïa ka jingpang diabetes.
Ki jingshakri ba la pyllait paidbah ha ka sngi rakhe ïa ka World Diabetes Day, ïa kaba la leh da ka Britannia Nutrichoice ka long ban thaw ïa ki plan kiba ïadei bad ka rukom bam na ka bynta ki briew khnang ba ki lah ban tehlakam ïa ka jingpang diabetes, kaba long katkum ka rta bad ka jingpher jong ka rukom bam ha kylleng ki bynta jong ka ri. Kane ka sienjam treikam ka ai jingmut ha kaba ïadei bad ki jingbam kiba ïahap bad ki briew katkum ka jaka ba ki shong ki sah bad yn pynïoh ïa kine ki jingbatai ha ka rukom kaba suk, bad kata ka long lyngba ka Whatsapp ChatBot.
U Ryan Fernando, uba long u riewshemphang ha ka liang ki jait jingbam ne u nutritionist uba la trei palat 20 snem ha ka kam u la ïatehlok bad ka Britannia Nutrichoice ban ai ïa ki jingbatai kiba ïadei bad ka rukom bam. Ha kane ka jingbatai ïa ki jingbam la batai ruh ïa ki jingbam kiban ïahap bad ka jingmad bapher bapher jong ki briew, ka hikai ruh shaphang katno donkam ban
bam bad ki long ruh ki jingbam kiba suk ban ïoh, kiba long ki jingbam batei kiba man la ka sngi.
Haba kren shaphang kane ka jingpyllait paidbah, U Amit Doshi, Chief Marketing Officer, Britannia Industries Limited u ong, “Ngi sngewkmen ban ïoh ban ïatehlok bad u nurittionist uba la ïoh ïa ka khusnam u Ryan Fernando, uba trei sani na ka bynta ban thaw ïa kine ki rukom bam, bad ïarap ha ka rukom kaba khraw, bad ïa ka jingïarap kaba donkam na ka bynta ka jingim”.
