Shillong, Nailur 08 : Ka IIM Shillong (IIMS) ka la soi ïa ka Memorandum of Understanding (MoU) bad ka Land Ports Authority of India (LPAI), da ka jingthmu ban don ka jingïatreilang bad ki kam wad bniah bad ka jingïasam ïa ka jingnang jingtip. Kum shi bynta na kane ka jingïamynjur, ka IIM Shillong kan buh ïa ka Centre of Excellence (CoE) na ka bynta ka North East India Studies, kaba ka thong ka long halor ki kam khaïi, ka ïarung ïamih bad kiwei pat ki jaka. Shuh shuh ka MoU ka pynïoh na ka bynta ban thaw ïa ka LPAI Chair ha IIM Shillong ban lamkhmat ha ki kam wad bniah bad ban ai ka lad ïa ki kam pyrkhat ban long ki nongïalam ha kiba bun ki kam kiba kongsan.
Ïa ka MoU la soi da u Prof. D. P. Goyal, Director ka IIM Shillong, bad u Ajeet Singh, Director ka Operations ha LPAI. Ïa kane ka jingïalang la shimbynta da u Atul C. Kulkarni, dkhot jong ka IIM Shillong Board of Governors bad u Aditya Mishra, Chairman ka LPAI, ha ryngkatlang bad kiwei ki heh ki haiñ kiba kynthup ïa ka Rekha Raikar Kumar, Member Finance, LPAI; u Sanjeev Gupta, Member (P&D), LPAI; u Madhukar Pandey, Deputy Secretary; bad u Mahesh Kumar, Advisor for Training & Research.
Kane ka jingïateh paralok kan ai ka jingshakri ha ki rynsan ban kyntiew ïa ki kam wad bniah bad ban khmih ïa ki kam ban kyntiew ïa ka imlang sahlang bad ka ïoh ka kot kiba long ka jingeh ha kane ka thaiñ shatei lammihngi (North East region).
