ïashim bynta ka tnat shipai BSF Megh ha ka ‘Swachhata Hi Seva’ ban pynneh ïa ka jingkhuid

Shillong, Risaw : Shibynta ban kyntiew halor ka jingdonkam ban pynneh pynsah ïa ka jingkhuid jingsuba ha ka jingim kaba man ka sngi, na ka liang ka tnat shipai Border Security Force (BSF) Meghalaya lyngba ka ‘Swachhata Hi Seva’ campaign ka la pyndep ïa ka jingpynkhuid shnong ne ka “Swachhata Pakhwada” kaba artaïew kynthih kaba la sdang naduh ka 15 tarik u Nailur ba la dep haduh hynne ka sngi Nyngkong kaba dei ruh ka lyngkhuh sngikha jong u Mahatma Gandhi.
Shibynta jong kane ka prokram ka tnat shipai BSF ka jylla ka la shim ïa ka kabu ban pynskhem ïa ka jingkut jingmut na ka bynta ban pynïoh ïa ka ri India kaba khuid ba suba da kaba pynlong ïa ki prokram pynkhuid shnong bapher bapher lyngba ka jingïashim bynta shitrhem da ki dkhot ki jong ka bad ki nongshong shnong kumjuh.
Nalor kata ka ka BSF ka la pynlong ruh ïa ki prokram pynshai paidbah ban pynsngewthuh bad ïalap halor ka jingdonkam ïa ka jingkhuid jingsuba. Ha kane ka prokram kane ka tnat shipai ka la ïashim bynta shitrhem ha kaba pynkhuid ïa ki jaka shong ki jong ka kumjuh ha ki shnong ba markhap kum shibynta jong ka jingïalap ba kyrpang ha baroh ki jaka treikam jong ka tnat BSF Meghalaya Frontier.
Ha ka 1 tarik mynta u bnai ki dkhot jong ka tnat BSF Meghalaya ki la ïashim bynta shitrhem ha ka jingpynkhuid ha ki bynta jong ki border oustpost jong ki, ïa ki shnong bad ki lynti paidbah shibynta jong ka prokram ‘Swachhata Hi Seva’ campaign.
Katba hynne ka sngi 2 tarik Risaw ka la don ka jingïalang kut jingmut na ka bynta ka jingkhuid jingsuba ïa kaba la khot pynlong da baroh ki jaka treikam kiba hap hapoh ka tnat shipai BSF Meghalaya Frontier da ka jingthmu ban leh burom na ka bynta u kpa jong ka ri u Mahatma Gandhi ha ka lyngkhuh sngi kaba kaba 154 snem.
Haba kren ha ka jingïa lang, u ShPradip Kumar, IPS, IG BSF Meghalaya u la ong ba ka ‘Swachhata Hi Seva’ campaign ka dei ka bynta kaba kongsan na ka bynta jong ki namar ka don ïa ka jingïateh halor ka jingkut jingmut ka jong ki ban pynneh pynsah ïa ka jingkhuid jingsuba bad ban khmih hlor ka jingshngaiñ jong ki thain khappud.
U la ong ruh, “Ngi ngeit ba ka jingkhuid jingsuba jong ka mariang ka wanrah ym tang ïa ka jinglong jingim kaba kham biang hynrei ka pynkhlaiñ ruh ïa ki kam shongshngaiñ jong ka ri.”