ïaroh I Dr Ampareen ba pyndam ka sorkar ïa ka aiï ïakhalai

0

Shillong, Risaw 13 : I MLA ka East Shillong Constituency I Dr Ampareen Lyngdoh I la ïaroh ïaka sorkar MDA kaba la shim rai ban sngap ïa ka sur u paidbah da kaba pyndam noh ïa ka aiñ ïakhalai ka Meghalaya Regulation of Gambling Act (MRGA) 2021.
“ Ka dei ka rai kaba biang tam namar ka sorkar ka sngap ïa ka sur u paidbah. Ka jingwanrah ïa ka aiñ la ka long kaba dei ne bym dei ruh ka jingïatai ka ju don beit barobor hynrei haba sawa ka sur jong uba bun ba lang ba kim kwah ïa kane ka aiñ ïakhalai te ka la biang ban pynduh noh ïa ka “ ong I Dr Ampareen.
ïa kane i la kren hadien ba i la ïohi ba u Myntri ka tnad lum Khajna ka sorkar u James K Sangma u la kular ban pyndam noh ïa kane ka MRG Act 2021.
I la ong man la kino kino ki mat treikam ki ju don beit ki jingmyntoi bad jingbym myntoi ruh, hynrei halor kane ka Casino la ïohi ba ki paidbah ki da sngew pyrshah jur ïa ka kumta ka la bha eh ban pyndam noh ïa kane ka aiñ da ka sorkar.
“ Ka don ruh ka rai jong kiba bun ba lang ba ka jylla Meghalaya kim shym la kloi ban pdiang ïa kane ka Casino ha ki liang baroh. I la ong ba i dei ruh ma i iba la tyrwa ban wanrah ki jingpynkylla haba la wanrah ïa kane ka Gaming Bill hapoh ka ïing dorbar.,
“ Dei ma nga ba la ïeng hapoh ka ïing dorbar bad tyrwa ba donkam ban pynkylla ïa kane ka aiñ hynrei ha kato ka por ki paidbah lehse kim pat da sngewthuh than shaphang kane ka bill. Nga la leh ïa ka bynta jong nga bad nga da sngewkmen khamtam ba ka sorkar ka la sngap ïa ka sur u paidbah ym ka jong nga. Kiwei ki dkhot ruh ki la ïashim bynta ban ïakren hapoh ka ïing dorbar halor kane ka Bill.
Hooid ka don ka jingmyntoi na ka bynta ka khajna ka sorkar hynrei lada kiba bun pat ki pyrshah kumta hap ban ïaid da ka lynti kaba ki paidbah ki kwah. I la ong ba ka sorkar mynta ka lah ban wanrah da ka ordinance halor kane lane ban khot da ka dorbar ba kyrpang ban pynbna ba la pyndam ïa kane ka aiñ hapoh ka jylla.
“ Nga tip shai ba kin dang bun ki jingïatai ha ki por ban sa wan la ka jylla Meghalaya ka donkam ne em ïa kum kine ban khring ïa ki nongwan jngohkai hynrei ka por kan sa batai ïa kata ïa mynta ngin shim beit ïa kane ka sur jong ki paidbah bad kane keiñ ka dei ka mynsiem ba shynrang ba la pynpaw da ka sorkar MDA ban shim ïa ka rai ban pyndam beit mardor ïa ka aiñ” pynkut I Dr Ampareen.

Leave A Reply

Your email address will not be published.