Shillong, K’Lyngkot, 02: Ha ka Lah Sngi u Blei, ki Pulit ki la ïoh jingtip lyngba u Sordar ka shnong Mawmang, Khatar Shnong ba uwei u briew uba la tip kyrteng kum u Bah Moris Khongshei uba la 50 snem ka rta na kane ka shnong u la shah shoh ha ka por kumba 3:00 baje mynstep ha ki arngut ki briew kiba la buaid khawiang.
U Bah Moris Khongshei u la khladnoh na kane ka sla pyrthei na ka jingmynsaw kaba jur.
U Superintendent of Police, (City) ka East Khasi Hills, Shillong Bah Vivek Syiem ha u kyrwoh ba la phah sha ki lad pathai khubor u la pyntip ba u Officer-in-Charge ka Sohra Police Station u Bah S.Lhuid bad ki Pulit mar mar ki la hiar ban leit tohkit ïa ka jaka ba la jia ka jingshah shoh jong u Bah Khongshei na ka bynta ban pynlong ïa ka jingtohkit.
Ha kaba ïadei bad kane ka jingjia, ki Pulit ki la register case ha Sohra PS hapoh ka Section 302/34 IPC bad ka jingtohkit ka la ïaid shakhmat.
Ha ka jingtohkit, arngut ki shynrang briew kiba donkti ki la shah kem bad shah tian bishar ha Kashari.
