Shillong, Nailar, 13: Uwei u Nongtrei jong ka Meghalaya Legislative Assembly, u la ïap ha ka jaka shong hapoh ka ophis jong ka Assembly Press, ïa kaba la suba jur ba u la ïap na ka jingpyndonkam ban injek palat pud ïa u drok.
Une u nongtrei jong ka Assembly ïa uba la tip kyrteng u Lachuman Shrestha u dei ruh ba trei kum ka Chowkidar jong ka Assembly.
Ka thymmei khubor ka ïathuh ba la lap ïa kane ka jingjia da ki nongtrei jong ka Assembly Press ha ka step Lah Sngi u Blei, ha kaba ki la pyntip marmar sha ki Pulit ban pynlong ïa ka jingtohkit bad ban leh ïa kaba donkam katkum ki kyndon jong ka aiñ.
Katkum ka dur ba la shon, la lap ruh ïa u thyrnia injek uba sahkut ha ka kti ka mon nalor u drok uba la phriang hajrong jong ka miej treikam.
Ïa ka metïap jong une u Chowkidar la pynkit noh sha Civil Hospital Shillong ban pyndep ïa ka post mortem bad ki Pulit ruh ki dang pynlong ïa ka jingtohkit kaba bniah.
