ïakynduh u Ronaldo ïa ka myntri ka sorkar pdeng ban ïakren halor ka jingkiew jong ka kam ïalehkai ha India

DELHI, Risaw 16: Ka Raksha Nikhil Khadse, myntri Sorkar kmie jong ka tnad Sports, ha ka sngi Palei ka la ïa kynduh ïa u nongïalehkai phutbol pawnam barim ka Brazil u Ronaldo Nazario ha nongbah Delhi.
Ki la ïawan lang ban ïakren ïa ka lawei jong ka kam ïalehkai bad ka phutbol ha India bad kumno ban pynkylla ïa ka jingbun ki paid nongshong shnong ka ri India sha ka jingmyntoi bad ki ban seisoh ha ka kam ïalehkai. Kane ka jingïakynduh ka la ïalam sha ki jingïakren shaphang ki rukom hikai bad ki jingtei kiba kham bha naduh ka kyrdan ba dang khynnah.
Katkum ka jingïathuh ka Khadse, ki la kren shaphang ka skhim Khelo India bad kumjuh ruh ki lympung ïalehkai jong ka ASMITA, ki skhim ki ban ïarap ban pyndap ïa ka jingduna.
U Ronaldo u la sam ïa ki jingmut jingpyrkhat jong u halor ka jingkiew jong ka Brazil halor ki phang kum ka jinghikai, ki shlem ai jinghikai jong ki samla bad ki jingmut kiba ka India ka lah ban rah shakhmat.