ïakynduh u bah Sanbor ïa u myntri khynnah ka DoNER kyrpad ban ai Direct Funding sha ki ADC

Shillong, Kyllalyngkot 29 : U MLA ka BJP na South Shillong Bah Sanbor Shullai ha ka sngi Balang, ula ïakynduh ïa u Myntri Khynnah ka DoNER Ministry Dr Sukanta Mazumdar, bad ban jur ban ai Direct Funding ïa ki District Council ka Jylla.
Une u MLA ula kyrpad ruh ïa ka DoNER ba kan ai ïa ki song jingïarap pisa sha ki District Council.
U Bah Sanbor ula ïakren bniah ruh halor ki project bapher bapher ba dang sahteng ha Jylla bad kyrpad ruh ïa ka Sorkar Pdeng ba kan pyllait noh ïa ka scholarship kat kumka por kaba dei.
Ula pyntip ba une u Myntri Khynnah un sa wan ïuhkjat sha Meghalaya hadien ba kut ka elekshon District Council bad un sa iakynduh ruh ia ki Nongialam jong ki District Council ban ïakren halor ki jingeh bad jingdonkam jong ki.