Ïakynduh ki nongïalam ka VPP Youth Wing ïa ki nongrep biskot ka thaiñ West bad Eastern West

Shillong, Nailur 27 : Ki nongïalam jong ka VPP State Youth Wing hapoh ka jingïalam jong u Bah Robert Wahlang, Bah Wallamkupar Nongsiej, Bah Rishan Nongrum, Bah Dios Jyndiang bad Bah Davis Wahlang ha ka 26 tarik u Nailur, 2026 ki la leit ban kynduh bad sngap ïa ki jingeh jong ki nongrep bad khamtam ha kaba ïadei bad ka jinghiar dor palat u biskot ha ka thaiñ West Khasi Hills bad Eastern West Khasi Hills District.
Katkum ka kyrwoh la ong ba kine ki thain ba shah ktah ki kynthup naduh ka Ksehkohlong, Laitkseh, Langlew, Tiehbah bad ter ter. Kumta halor kane, na ka liang ka VPP State Youth Wing ka kyntu jur ïa ki bor ba dei peit ba kin shimkhia ïa kane ka mat khnang ba ki nongrep kin lah pat ban im na ka kam rep ka jong ki.
Ha kajuh ka por pat ka la maham ïa ki nongkhaïi ba kim dei ban shim kabu ban pynïap ja ïa ki nongrep.