ïakhaid ka Risa Colony SC & Mawlyngngad SC, jop ka Mawkriah West

Shillong, Nailur 15: Ka jingïalehkai jong ka lympung SSA U-20 4th DIVISION Football League 2023 kaba la long hynne ka Sngi Thohdieng ha madan 3rd Ground, ka la jam sha kaba kut ha kaba ka jingïakhun kaba nyngkong ka la ïakhaid, katba ka Mawkriah West SC ka la khur ïa ka namjop.
Haba phai sha ka jingïakhun kaba nyngkong kaba la long ha ka por 3:15 nohphai sngi hapdeng ka Risa Colony SC pyrshah ïa ka Mawlyngngad SC, ka la jam sha kaba kut ha kaba baroh ar kynhun ki la ïoh ban thep mar shi kol bad ym shym la don ba lah ban pynïakhlad haduh kaba kut jong ka por.
Na bynta ka Risa Colony SC ka shi kol la thep da u Wellborn Pyngrope ha ka minit ba 67, katba ïa ka Mawlyngngad SC la thep da u Donryngwat Nongkhlaw ha ka mnit ba 61mins.
Haba phai pat sha ka jingïakhun kaba ar, kaba la sdang ha ka por 4:45 janmiet, ka Mawkriah West SC ka la lah ban khur ïa ka namjop hadien ba ka la jop salit da shi kol ïa ka Diengpasoh SC.
U Lavrence Jeremy Nongbri u la ïoh ban thep ïa kane ka kol tang mar ïa sdang kata ha ka 1 minit.
Na ka liang jong ka kynhun ba ïakhun pyrshah ka la ïaleh katba lah ban pynphai hynrei kam shym la lah ban pynurlong.
Ka jingïalehkai mynta ka sngi kan long hapdeng ka ïatyllilang SC pyrshah ïa ka Umrynjah por 3:15 nohphaisngi bud sa ka jingïakhun jong ka Madan S&CC pyrshah ïa ka Lamlynti SC.