Jowai, Naitung 27: Ka lympung ïalehkai phutbol Independence Day Cub Under-17 Football Tournament 2023 bala pynïaid da ka West Jaiñtia District Sports Association (WJDSA) kaba la long hynne ka sngi Palei ha madan Kiang Nangbah Stadium, Dongmihsngi Jowai.
Haba phai sha ka jingïakhun kaba nyngkong kala poi sha ka jingïakhaid da mar 1-1 kol hapdeng ka Evergreen Mukhla pyrshah ïa ka Panaliar, ïa ka kol na ka Evergreen Mukhla la thep da u Pynshaimiki Sana haka minit ba 50. Na ka liang ka Panaliar la thep da u Deisakiru Nanghuloo haka minit ba 18.
Ha ka jingïakhun kaba bud ka kynhun ïalehkai jong ka Mulang Ialong kala pynliem da 5-1 kol ïa ka NSA, ïa ki kol na ka Mulang Ialong la thep da u Charelang Mulieh ha ka minit ba 15, u Tushar Pale haka minit ba 19 bad u Nidaroi Mulieh lai kol ha ka minit ba 33, 48 & 60+1. Ïa ka shikol na ka NSA la thep da u Teidiroi Dhar ha ka minit ba 12.
Ka jingïakhun lashai ka sngi 28 tarik kan long hapdeng ka Mooknor Thadmuthlong pyrshah ïa ka Lion haka por 1 baje shiteng nohphai sngi, katba ka 7 Wasa United kan ïakhun pyrshah ïa ka Lumchyrmang Mihmyntdu haka por 3 baje nohphai sngi.
