Ïaid shaphrang ka prokram wad khynnah ïalehkai ka EKHCA

0

Shillong, Nailar 21 : Ka East Khasi Hills Cricket Association (EKHCA) ka la nang pyntylllun ïa ki thapñiang jong ka ha kaban wad ïa ki sap ïalehkai jong ki khynnah ha ka jingïalehkai cricket, kaba long ruh ka jingplie lad plie lynti na bynta jong ki ban pynpaw pyrthei ïa ki sap ïalehkai ba ki don. Dang ha ka sngi Saitjaiñ jong ka taïew ba dang shu dep, ka EKHCA ka la pynlong ka prokram wad khynnah ïalehkai kaba la tip kum ka Talent Search ha Marbisu ha kaba ki khynnah shynrang bad kynthei kiba hapoh 15 bad 17 snem ki la wan ban ïashim bynta.
Ka EKHCA kan bteng biang ïa katei ka prokram wad khynnah ïalehkai ha ka 27 tarik Nailar 2022 ha Sohra bad na ka liang ka synjuk ka khot bad ïawer ïa ki khynnah U-15 bad U-17 shynrang bad kynthei kiba hap hapoh ka Sohra Block ba kin wan ban ïashim bynta.

Leave A Reply

Your email address will not be published.