Mawkyrwat, Nailar 21 : Ka jingïalehkai Charity Football Friendly Match hapdeng ki Pastor ka Mawkyrwat Zone pyrshah ïa ki Ophisar Sorkar ka Sout West Khasi Hills District ha madan Saitsnad kan long ha ka 23 tarik u ‘Nailar, 2022 ha ka por 1 baje nohphai sngi.
Ha kane ka sngi yn ym donkam bai rung hynrei yn don tang ki donation box na ka bynta ki nongpeitkai. U kongsan ha katei ka sngi un long u Bah Pius Marweiñ, Nongmihkhmat jong ka Ranikor Constituency.
Kumta ki nongpynïaid ki la kyrpad ïa ki paidbah jong ka dong ka thaiñ kiba ieit ïa ka kam ïalehkai kynjatbol ba kin wan sakhi da la ki jong ki khmat ïa kane ka lympung jingïalehkai khnang ba kan long ka jingaimynsiem bad ban pynïaid shaphrang ïa ki kam ba bha.
