Ïaid beit ka jingïakhih ka KSU-EJHD , snohkti lang ki sengbhalang bad paidbah ba sniew palat ka surok NH-6

Khliehriat nailur 25: Ka jingïakhih jong ka khasi Students Unon East Jaiñtia Hills District Unit ka la long kaba ïaid beit mynta ka sngi da ka jingia snohkti lang kiwei kiwe ki sengbhalang bad ki paidbah jong ka district, ïa kane ka jingïakhih la pynlong ha Khliehriat kaba dei ka Head Quarter jong ka East Jaiñtia Hills District, la wan ban ïa shim bynta lang ruh da u MLA ba rim jong ka Khliehriat, u bah Justine Dkhar, u Principal Jaiñtia Easteren College, u Dr P. Nongtdu bad kiwei kiwei ki riew rangbah.
Ïa ka jingïakhih la pynong da kaba shong kyllaiñ myngnor bad kaba thiah ha pdeng ka surok national highway ha Khliehriat bad ha kane ka sngi ki kali kynthup ki kali heh bad ki kali rit ki khlem iaid lyngba na kane ka surok na Khliehriat tat haduh ban da kut ka jingiakhih haduh ka por 4 baje janmiet, ki kali kiba wan ki hap ban phai dien noh bad iaid pat na kawei ka lynti namar ïa kane ka surok national highway la khang da ki paidbah kiba shong ïakhih ba la siang da ki jingsniang hapheng surok.
“Haooid ka jingïakhih mynta ka sngi ka la kut kumto, hynrei kumba ngi la dep pynbna bad ngi kyrpad ruh da ka mynsiem kaba sngewkhiah bad ka mynsiem kaba sngewrit ïa baroh ki para doh para snam ba kin sngewbha ban sangngeh ban iaid kali ha ka por mynmiet kata naduh ka por 7 baje mynmiet haduh ka por 5 baje mynstep bad kane kan bteng haduh shi taïew katba ha ka por mynsngi pat kan long kumba ju long, kane ka long kum ka dak ka jingia snohti lang bad ka seng ban pyrshah ïa ka jingleh kuman ka sorkar bad ka NHAI ha kaba ïadei bad ka jingmaramot ïa kane ka surok national highway ha East Jaiñtia Hills District” ong u General Secretary KSU East Jaiñtia Hills District Unit u bah K.S.Suchiang
Utei u nongïalam ka KSU na East Jaiñtia Hills District, u la bynrap shuh shuh bad ong ba hadien katei ka jingkyrpad ban khang ïa ki kali ban iaid ha ka por mynkiet kaba shi taïew ba lada ka seng ka iohi ba kane kam treikam ba lada ka NHAI kam leh eiei ka seng kan shim da kawei pat ka synjam bad ia kata yn sa rai ha ka jingiashong jingïalang kaba yn sa pynlong sa shisien bad hangta ka seng kan sa shim ïa ka rai, namar hap ban pyn pei shkor syndon ïa ka NHAI bad ïa ka sorkar, ïa mynta ym pat lah ban ong kaei ïa ka rai ba ka seng kan sa shim.
U bah Kynjaimon Amse, uba la wan ban ïa snohkti lang ha kane ka jingïakhih, u la buh kawei ka khubor sha u myntri rangbah ka jylla, u Conrad Sangma da kaba u ong ba u Myntri rangbah u dei ban wan hi da lade naduh Jowai shaduh Ratacherra bad hangta un sa sngewthuh ïa ka jingeh ba ki paidbah ki mad ha ka leit ka wan, ha kajuh ka por u khot ruh ïa ki symbud myntri rangbah jong ka jylla ba kin wan hi dalade ban dup sngewthuh ïa ka jingeh ki paidbah, lym kumta ma u bad ka seng kin sa shu kut tang ha ka jinieng pyrshah.
Ha kajuh ka por, u samla Kynjaimon Amse, u kyntu ïa baroh kipadibah kiba ju mlien ban kren heh nia tang ha ki whatssap ha ki Socail medai bad ong ba mynta ka kynti ma ki ruh ki la dei ban mihnoh na ki whatssap bad ban mih noh sa madan bad kren halor rynsan ym shuh ban shu kren tang ha ki social media.
U nongialam jong ka Voice of The People’s Party na rinlum Jaiñtia, u bah Damewanhi Rymbai, lem bad ki dkhot ki la wan ban ïa shimbyta lang ha kane ka jingïakhih mynta ka sngi bad ong ruh ba kane ka dang dei tang ka jingsdang, u la ther tyngeh ruh ïa ka jingleh mynthi ka sorkar bad ong ruh ba lada ka jingiakhih kam pat ktah ïa ka khaìï pateng jong ki bar jylla yn nym don ba sngap mano mano ruh “ngi iohi mynta ba wat ki bor district, ka sorkarr uh kim hap ban iaid hapoh ka jingïalam ki karkhana bad ka don beit ka jingïa sylla sop sop jong ki karkhana bad ki bor sorkar, ban shim kabu ïa ka jing lui lui jong ki paidbah jong ka East Jaiñtia Hills District” u la kren ruh ba kane ka jingjot jingjulor palat ka surok ka la wanrah ïa ka jingsniew ki kali kiba iaid bad buh jingeh ïa kiba ñiah kali, la ki dei ki kali rit ne ki kali heh ruh.
U President jong ka Ïatyllilang Driver Assoctaion , u bah H.Rymbai, u la ong ba ka jingwan ban kyrshan lang ïa kane ka jingïakhih ha kane ka sngi ka dei namar ba baroh kiba ñiah kali ki la kynduh jingeh haduh katta katta ban iaid na kane ka surok kaba la jot shaba palat, haba kamai shi hajar tyngka katba ka jingpynlut ha ka kali pat ka kot shiphew hajar, ym don mano mano ruh ban peit lem ïa kane a surok, hynrei da kane ka jingmih ka KSU East Jaiñtia Hills shakhmat kaba iohi ïa ka jingeh ki paidbah, kumta kane ka seng ki nongñiah kali ruh ki wan ban kyrshan lem.
Kiba la ai jingkren ki kynthup ruh u President jong ka Jaiñtia Students Union Khliehriat Circle, u samla Livison Sama, u President FKJGP East Jaiñtia Hills District, u samla Deihok Sumer, President AJYWO, u bah Reachingson Siangshai, u President East Jaiñtia Taxi Driver Association, u bah Tiplang Rymbai bad kiwei kiwei.