Shillong, Jymmang 12: U Chief Electoral Officer ka jylla Meghalaya u Dr BDR Tiwari ha ka sngi ba-ar u la ong ba ïa ka election shiteng samoi jong ka jong ka Shillong Lok Sabha la donkam ban pynlong hapoh hynriew bnai naduh ba la khlad noh u sitting MP, bad ki mashin elekshon ki la pynkhreh pura ban pynlong ïa ka jingthep vote.
“Ha ka jingshisha,katkum ka hukum, ka dei ban long hapoh ka hynriew bnai hadien ka jingiap jong u MP ka Shillong Parliamentary constituency,” ong u Tiwari haba ïa kren bad ki nongthoh khubor.
Shuh shuh u Tiwari u la ong,”Ngi long kiba la pynkhreh pura ban pynlong ia kane ka elekshon shiteng samoi”.
U MP ka Shillong u Dr Ricky AJ Syngkon jong ka VPP ula khlad noh ha ka 19 tarik Rymphang 2026.
Haduh mynta, dang artylli ki party kiba la pynbna ia ki kyrtong ki ban iakhun ia ka elekshon. Ka NPP kaba don ha ka liang synshar kan pynieng ia u President ka Khasi Author Society (KAS) Dr DRL Nongleit katba ka VPP kaba don ha ka liang pyrshah kan pynlong ia u Prof Batskhem Myrboh kum u kyrtong.
Halor ka elekshon Rajya Sabha, u CEO u ong ba ka elekshon kan sa long hashuwa ba lait thylli ka shuki. “Kat kum ka por bala ai, shen shuwa ban lait thylli ka shuki, nga kyrmen ban longka elekshon ha kano kano ka por jong u bnai Jylliew” ong u Tiwari.
