Shillong, Nohprah 03: Ka Shillong Lajong FC ba ïakhun ha ka I-League ka la lait thaw na ka namrem ha ka Rajasthan United hynne ka sngi ha ka jingïalehkai kaba la long ha Hyderabad hadien ba lah pynïakhaid da mar 1 kol.
Ka jingïaroh ka long sha u Daniel Goncalves u ba la thep ïa katei ka kol ban pynïakhaid da mar 1-1 kol shuwa ban kut ka por kaba la ïarap ïa ka kynhun ban ïoh khur ei ka shi point.
Ka Lajong ka la shah lamkhmat naduh ka 9 minit jong ka kylla step lyngba ka kol u Richardson Kwaku Denzell ka Rajasthan.
Hynrei ka jingïai pyrshang ban pynphai ka la urlong ha ka 97 minit na bynta ka Lajong lyngba ka kol kaba la thep da u Daniel Goncalves kaba la pynthikna ïa ka kynhun ban ïoh khur ïa ka shi point.
Kane ka jingïakhaid ka mut ba ka Lajong ka dang ïai bteng lynti ïaid khlem ka namrem ryngkat bad ka Mohammedan Sporting mynta ka samoi I-Leaguebad ka dang ïai bat mynta ha ka kyrdan ba 4 da 13 point na ki 7 sien ïakhun.
Ka Lajong kan pynkhreh sa bad ka Churchill Brothers na Goa la sngi Balang, 6 tarik Nohprah ban long ha SSA Stadium, Shillong.
