Hukum set phatok 26 snem ïa u briew ba pynarmet ïa ka khynnah 13 snem

0

Nongstoiñ, Jymmang, 18: Ka Ïingkashari Special Judge (POCSO) kala hukum ban set phatok haduh 65 snem bad ka kuna ba T. 51,000 ïa uwei u briew u ba pyn armet ïa kawei ka khynnah ba dang 13 snem ka rta.
Ïa kane ka jingjia la mudui da ka Kmie jong kane ka Khynnah hapoh ka Nongstoiñ Police Station ha ka 23 tarik Naitung, 2020 bad ïa une u briew ba leh ïa kane ka kam bymman la tip kyrteng da u Brightstarwell Kharbani.
Ki Pulit ki la kem ïa une u briew bad pynngat ïa une u briew hapoh ka kyndon 5 (n)/6 jong ka POCSO Act ba la pynkhamti ïa ka jingtohkit ha ka WPSI DP Nongbri jong ka Nongstoiñ Women Police Station. Ïa kane ka case la charge sheet da ka IO hapoh ka kyndon 505 IPC pule lang bad ka 5(j)(ii)(l)(n)/6 jong ka POCSO Act.
Ka Ïingkashari POCSO haba bishar ïa kane ka kam bymman, ha ka 11 tarik Jymmang 2023, ka la pynmih ïa ka hukum ban set phatok ïa u Brightstarwell haduh 25 snem lem bad ka kuna ba T. 50,000 kum ka jingpynsaja kat kum ka kyndon 6 jong ka POCSO Act.
Nalor kane, ka la hukum ruh ban set phatok sa 1 snem bad ka kuna ba T.1000 kum ka jingpynsaja katkum ka kyndon 506 IPC.

Leave A Reply

Your email address will not be published.