Hukum ka ïingbishar ïa ki Kharmetor ban jubab hapoh sawtaïew ïa jingtyrwa ka sorkar

0

Shillong Risaw 21 : Ka ïing Bishar High Court (HC) jongka jylla ka la hukum ïa ki Harijan Panchayat Committee (HPC) ba ki dei ban ai jubab hapoh saw taiew halor ka jingtyrwa jongka sorkar ban pynkynriah ïaki 342 ki long ïing na Them ïew Mawlong.
Haba shong bishar halor kane ka mukotduma ka ïing bishar ka la ïathuh ba ka sorkar jylla ka la pyntip ba ïa ka jingtyrwa lem bad ka Blueprint la dep ai sha ka HPC na ka bynta ban pynkynriah ïaki naduh ka 30 tarik Nailur 2022. “ Namar ba ka HPC ka pynpaw ba ka dang bishar bniah ïa kane ka kam kumta la ai por ïaki ban ai jubab hapoh saw taiew.Kumta la buh ban bishar biang ïa kane ka mukotduma hadien arbnai” ong ka ïing bishar.
Ka jingbishar halor kane ka mukot duma kan long ha ka 16 tarik Rymphang 2023.
Lah ban pynkynmaw ba ha ka 29 tarik Nailur 2022 ka sorkar ka la aiti ïa ka blueprint sha ka HPC ha ka jingïalang kaba la long ha Secretarariat bad ha katei ka blueprint la pynpaw ban tei da ka ïing ba bun mala ha ki quarter jongka Shillong Municipal Board ban ai jaka sah ïa kitei ki 342 tylli ki long ïing.
Ka sorkar ka la kyntait ruh ïaka jingdawa jong ka HPC ban ai ïa ki mar 200 square Meter ka jaka na ka bynta kitei ki 342 ki long ïing ha ka jingïakynduh bad ka sorkar ha ka 25 tarik Iaiong 2022. Ki la dawa ba ka jaka ruh ka dei ban long hapoh ka European Ward nangta ban pyntei ruh ïa ki ïing na ka bynta jongki. Hadien ka jingïalang u Secretary ka HPC u Gurjit Singh ula pynpaw ba ka sorkar ka la dep pynpaw ba ka kyntait mardor ïa ki jingdawa jong ki kiba don 8 tylli.
Na kata ka daw ka sorkar ka sa wanrah da kane ka blueprint ba kan tei beit da ka ïing ba bun mala ha katei ka jaka ba la tei ïaki quarter jong ka SMB ban ai jaka sah ïa kine ki 342 tylli ki long ïing. Dei ruh halor kane ka nongrim ba ki pynpaw ba kin bishar bniah bha ïa kane ka blue print bad shim ïa ka rai kaba mynjur lang da baroh shwa ban ai jubab sha ka sorkar.

Leave A Reply

Your email address will not be published.