Hiar jurip u Dr. Raj Bhushan Choudhary, Myntri ba dep peit ïa ki kam pynroi ha ha SWKHD

Mawkyrwat, ‘Nailar 22: U Union Minister ka Jylla ba dei peit ïa ka Jal Shakti, u Dr. Raj Bhushan Choudhary mynta ka sngi u la wan ban hiar jurip ïa ki katto katne ki kam pynroi ba la beit tyngka da ka Sorkar India bad kiba la pyntreikam hapoh jong ka Mawkyrwat C&RD Block kaba hap hapoh jong ka South West Khasi Hills District.
Ha kane ka jingjurip, u Dr. Raj Bhushan Choudhary u la sdang nyngkong ban jurip ïa ka Hydromet Station ha Wah Umngi ba la pyntrei hapoh ka National Hydrology Project, ïa ka Phodumtyngkoh – Phodtangjem Minor Irrigation Project ha Shnong Rangmaw ba la mang na ka PMKSY-HKKP jong u snem 2021-2022, ka Miyawaki Project ha Pyndenspar, ka jaka pynlang um ha Mawmyriong kaba na ka Amrit Sarova Phase-2 na ka skhim MGNREGA 2023-2024, ïa ka jingkieng ha Phot Mawpon na ka skhim MGNREGA 2022-2023, ka Photumnew na ka skhim MGNREGA 2021-2022, nangta, bad ïa ka jaka shna ïa ki top um ha Mawten bad Nonglang ban pyntreikam ïa ka Greater Mawkyrwat bad ka Nonglang Water Supply Schemes.
Ha ka jingleit jurip la synran lang naduh u Bipin Kumar, Principal Private Secretary, u Coming One Ymbon, Myntri ba dei peit ïa ka Water Resources Department, ka kong J. Lyngdoh, SE Water Resources, u bah D.P. Muktieh, Executive Engineer jong ka Water Resources Mawkyrwat Division, u bah I. Lawryniang, MCD, Block Development Officer ka Mawkyrwat C&RD Block, lem bad ki ophisar jong ka Sorkar Jylla bad na ka distrik ruh.
Hadien ka jingjurip ïa baroh ki kam pynroi ba la pyyntreikam hapoh South West Khasi Hills District ka la don ruh ka jingïalang ïamir jingmut na ki tnad treikam bapher bapher hapoh jong ka South West Khasi Hills District kata naduh Mahatma Gandhi National Rural Employment Guarantee Act (MGNREGA), Pradhan Mantri Awaas Yojana- Gramin (PMAY-G), National Social Assistance Programme (NSAP), Deendayal Antyodaya Yojna – National Rural Livelihoods Mission (DAY-NRLM), Deen Dayal Upadhyaya Grameen Kaushalya Yojana (DDUGKY), Swachh Bharat Mission (SBM), Jaal Jeevan Mission (JJM), Prime Ministers Employment Generation Programme (PMEGP), Pradhan Mantri Gram Sadak Yojana (PMGSY), Pradhan Mantri Krishi SinchayeeYojana (PMKSY) & Irrigation, Schemes of MoWR, Pradhan Mantri Krishi Sinchayee Yojana (PMKSY)& Integrated Watershed Management Programme (IWMP), National Food Safety Act (NFSA), Pradhan Mantri Ujjwala Yojana(PMUY), Sarva Shiksha Abhiyan (SSA), National Health Mission, Pradhan Mantri Fasal BimaYojana(PMFBY), Soil Health Card, National Agriculture Market (e-NAM), Rashtriya, Krishi Vikas Yojana (RKVY), Paramparagat Krishi Vikas Yojana (PKVY), Pradhan Mantri Fasal BimaYojana(PMFBY), Soil Health Card, National Agriculture Market (e-NAM), Rashtriya Krishi Vikas Yojana (RKVY), Paramparagat Krishi Vikas Yojana (PKVY), Deen Dayal Upadhyaya Gram Jyoti Yojana (DDUGJY), Integrated Child Development Scheme (ICDS).
Lah ban kdew ba ha kane ka jingïalang, na ka liang ki ophisar jong ki tnad treikam bapher bapher ki la pynpaw bad ïa ki jingpyntreikam ne Schemes jong ka Sorkar India bad ym tang kata ki la pynpaw ruh ïa ki jingeh ba ki ki ïa kynduh ha kaba pynïaid ne pyntreikam ïa ki lad pynroi hapoh ka District.
Haba kren ha ki lad pathai khubor hadien ka jingïalang ïa mir jingmut hapoh Circuit House, u Dr. Raj Bhushan Choudhary, Myntri ba dei peit ïa ka Jal Shakti u la ong ba ka jingwan jong u mynta ka sngi hapoh South West Khasi Hills District ka long ban wan peit ne jngoh ïa baroh ki kam pynroi hapoh ka Jylla Meghalaya bad ban pynïaryngkat bad kiwei pat ki Jylla namar ka dei ka jingïohi jngai jong ka sorkar India ba haba pyntreikam ka dei ban long mar katjuh kumba la mang.
Shuh shuh u la pynpaw ruh ba dei na kata ka daw hapoh man la ka 15 sngi, ki Myntri ba dei peit ïa ki kam pynroi bapher bapher ki hap ban leit jngoh ïa ka jylla ban bishar bniah ïa ka projek ba la kyrshan da ka sorkar India, ym tang ïa ka Jal Shakti hynrei wat ïa kiwei pat ki projek bad ryngkat ka jingthmu ban aiti ïa ka kaiphod sha u Myntri Rangbah duh jong ka Ri India.