Her ki tin sop ïing sha suiñ ba khie kynsan ka erïong ha ka shnong Mawkhwan, Sohïong

Shillong, Jymmang 29: Ka shnong Mawkhwan kaba hap hapoh Sohiong, kynsan kynsan mynta ka sngi por shiteng sngi kala mad ïa ka jingtieng bad ka jingsyier na ka jingwan ban lyngshop kynsan kynsan ka eriong ha kaba kala lied naphang ïa ki tnum ïing briew.
Kane ka shnong ba lyngshop ka hap ha ka shnong Mawkhwan A kaba don ha ka jaka ba don ka Community Health Centre (CHC), Sohiong bad kala jan bha bad ka bye pass.
Kat kum ka jingïathuh u Bah Samlin Malniang uba dei u MLA bad MDC barim ka Sohiong u la ïathuh ba kane ka jingjia kala jia ha ka por 12 baje ne tam khyndiat.
Katkum ki video ba la sakhi la ima shisha ka jingher ki tip sop ïing sha suin. Naba shah rat naphang ha ka eriong kaba hap hapoh ka dorbar shnong Mawkhwan bad halor kane ka jingjia kam shym la don kano kano ka jingjia ba sngewsih ïa ki briew.
Katkum ka jingtip ba la ioh lyngba u Bah Samlin Malniang u la iathuh ba ki don kumba 20 tylli eiei ki ïing kiba jur bha ka jingshah pynjulor.
Kiba julor malum mala ki lah don bun tylli bha bad katkum ka jingtip ba la ioh.
“Ngi sngewnguh ba ki briew ym don iwei ruh ba mynsaw bad kata ka long kaba kham sngewtynnad noh khyndiat, te to ka jingjot bad ka jingjulor ki ïing ki sem lah sngewsynei hynrei ngin leh kumno namar lyngshop ka bor mariang” ong u Bah Samlin.