Shillong, Lber 19 : Ka sorkar MDA-2 ka la buh thong ban pyndep ïa ka Assembly ba thymmai kaba ha Mawdiangdiang hapoh une u snem 2023.
“ Ngi la bthah ba dei ban pynsted ïa ka jingtei ïa ka Assembly bad shwa ban kut une u snem la dei ban pyndep noh” ong u Symbud Myntri Rangbah u ba dei peit ïa ka tnad PWD (Building) u bah Prestone Tynsong.
U la ïathuh ba ka jingtrei ruh ka dang ïaid shaid shaid mynta bad kaba sah kalong ban ïoh ka jingmynjur halor ka jingpynwandur ïa u Dome ba thymmai na ki ar tylli ki Indian Institute of Technology (IIT) kata ka IIT Roorkee bad IIT Guwahati.
“ Tang shu ïoh ka jingmynjur na kine ki ar tylli ki IIT ngin sdang ban tei noh ïa u Dome ba thymmai” ong biang u bah Pretone.
Lah ban pynkynmaw ba u Dome jongkane ka Assembly ba thymmai ula khyllem noh ha ka 22 tarik Jymmang 2022.
Ha ka 13 tarik Lber u Lamphang ba thymmai ka ïing dorbar u Thomas A Sangma u la leit jurip da lade ïa ka jingtei ïa ka Assembly bad u la ïathuh ba la dep bthah ïa ki kompani ban pynkhuid noh ïa ki lyngkhot lyngkai kiba la pra na ka jingkhyllem u Dome hapoh ka 15 tarik u Iaiong.
U la Lamphang u la lap ruh da lade ba ka jingtrei ka ïaid sted bha bad ka la pynhun ruh ïa u bad la pyntip ruh ba ka bynta ba sha ka diang bad ka mon jongka ïing dorbar la jan dep artat.
Lah ban pynkynmaw ba hadien ka jingkhyllem u Dome ka la mih ka jingdawa kaba jur ba dei ban aiti tohkit noh sha ka CBI hynrei ka sorkar ka khlem aiti satia.Shillong, Lber 19 : Ka sorkar MDA-2 ka la buh thong ban pyndep ïa ka Assembly ba thymmai kaba ha Mawdiangdiang hapoh une u snem 2023.
“ Ngi la bthah ba dei ban pynsted ïa ka jingtei ïa ka Assembly bad shwa ban kut une u snem la dei ban pyndep noh” ong u Symbud Myntri Rangbah u ba dei peit ïa ka tnad PWD (Building) u bah Prestone Tynsong.
U la ïathuh ba ka jingtrei ruh ka dang ïaid shaid shaid mynta bad kaba sah kalong ban ïoh ka jingmynjur halor ka jingpynwandur ïa u Dome ba thymmai na ki ar tylli ki Indian Institute of Technology (IIT) kata ka IIT Roorkee bad IIT Guwahati.
“ Tang shu ïoh ka jingmynjur na kine ki ar tylli ki IIT ngin sdang ban tei noh ïa u Dome ba thymmai” ong biang u bah Pretone.
Lah ban pynkynmaw ba u Dome jongkane ka Assembly ba thymmai ula khyllem noh ha ka 22 tarik Jymmang 2022.
Ha ka 13 tarik Lber u Lamphang ba thymmai ka ïing dorbar u Thomas A Sangma u la leit jurip da lade ïa ka jingtei ïa ka Assembly bad u la ïathuh ba la dep bthah ïa ki kompani ban pynkhuid noh ïa ki lyngkhot lyngkai kiba la pra na ka jingkhyllem u Dome hapoh ka 15 tarik u Iaiong.
U la Lamphang u la lap ruh da lade ba ka jingtrei ka ïaid sted bha bad ka la pynhun ruh ïa u bad la pyntip ruh ba ka bynta ba sha ka diang bad ka mon jongka ïing dorbar la jan dep artat.
Lah ban pynkynmaw ba hadien ka jingkhyllem u Dome ka la mih ka jingdawa kaba jur ba dei ban aiti tohkit noh sha ka CBI hynrei ka sorkar ka khlem aiti satia.
