Shillong, Nailar 31: Ïa ka Greater Shillong Water Supply Scheme (GSWSS) Phase-III la khmih lynti ban pyndep noh ha u bnai Lber jong u snem ban wan.
“Ïa u bnai bad u snem ban pyndep ïa ka GSWSS Phase-III la khmih lynti ba kan long ha u bnai Lber, 2025,” ong u Myntri ka tnat PHE u Marcuise N Marak haba jubab hapoh ka Dorbar Synrai kaba dang shu kut.
U la ong ba ka daw jong ka jingslem ban pyntreikam ïa kane ka project ka long na kiba bun ki daw kiba ïadei ruh bad ki kam jong ki tnat sorkar, ka jingslem ban ïoh jingbit na ka bynta ban thep ïa ki pipe na ka PWD bad NHIDCL, bad ka jingslem ïa ki kam ban ïoh ïa ki network na ka daw ki jingpyrshah na ka PWD, ka jingslem ban ïoh ïa ka forest clearance, ka jingslem ban ai jingbit da ka Ministry of Defence bad ka NOC da ka Hima Mawphlang na ka bynta ban ïoh ïa ka jaka ban shna ïa ka stage II pumping.
