Hapoh lai snem 10.27 klur ki thliew ha ri India kiba ïoh um lyngba ka skhim JJM

New Delhi, Risaw, 01: Katba ka ri ka rakhe ïa ka lyngkhuh sngi kha u Kpa jong ka Ri, u Mahatma Gandhi ha ka 2 tarik u Risaw, ka President jong ka ri India ka Droupadi Murmu kan sam ïa ki khusnam na ka bynta ka Swachh Survekshan Grameen (SSG) 2022, Swachhta Hi Sewa 2022, Sujlam 1.0 & 2.0, Jal Jeevan Mission (JJM) Functionality Assessment, Har Ghar Jal certification bad Start-up Grand Challenge.
Ka tnat Drinking Water and Sanitation (DDWS) ka dang pynlong ïa ka Swachh Bharat Diwas-2022 ha ka 2 tarik u Risaw ha Vigyan Bhawan, New Delhi. Ka tnat ka dang pyntreikam ar tylli ki prokram jong ka Sorkar Pdeng–ka Swachh Bharat Mission Grameen (SBM-G) bad Jal Jeevan Mission (JJM). La sdang ïa ka SBM-G ha ka 2 tarik u Risaw 2014 da ka jingthmu ban pynduh ïa ka jingleit shabar pathar. Ha ka 2 tarik u Risaw 2019, baroh ki shnong ha ka ri ki la ai jingtip ba ki la long ODF. Hadien kane, la sdang ïa ka SBM-G 2.0 ha u snem 2020 ban kyrshan ïa ka jinglong ODF ha ki shnong bad ban kyntiew ïa ka jingkhuid ha ki jaka nongkyndong lyngba ka jingpynkhuid ïa ki jaboh jabain kaba kyntiew ïa ki shnong sha ka kyrdan ODF Plus.
Ha ka 15 tarik u Nailar 2019, la plie paidbah ïa ka Jal Jeevan Mission da u Myntri Rangbah Duh, Narendra Modi. Ha ka por ba la plie paidbah, tang 3.23 klur tylli ki iing ha ki jaka nongkyndong ki ïoh um na ki kor ha iing. Lyngba ka jingtrei shitom da kane ka Mission ha ka jingïatreilang bad ka Jylla bad UT, mynta palat 10.27 klur tylli ki iing ha ki jaka nongkyndong ki ïoh um lyngba ki kor ha ka por kaba tang 3 snem.
Kum ka sienjam ban ai jingithuh ïa ka jingtrei shitom ki Jylla / UT ha ka jingpyntreikam ïa kine ki prokram, ka tnat ka la pynlong ïa ki jingïakhun, ki campaign bad ki Survekshan bapher bapher. Ki Jylla / UT / Distrik kiba trei bha ïa ka kam kin ïoh ïa ka jingithuh ha kaba ïadei bad ka jingpynstet ïa ka ODF Plus bad ka Har Ghar Jal. Yn ai ïa ki khusnam hapoh ka SBM-G bad JJM da ka President jong ka ri India bad u Myntri Sorkar Pdeng ba dei khmih ïa ka tnat Jal Shakti hapoh kine ki thup –
Swachh Survekshan Gramin-2022–Ka Survekshan ka thmu ban buh kyrdan ïa ki Jylla bad ki Distrik katkum ka jingpyntreikam ha ki thup SBM-G bapher bapher bad ka jingkhring ïa ki briew ha ki jaka nongkyndong ban kyntiew ïa ka jingkhuid lyngba ka kam IEC kaba pura bad ka jingïasnohkti bad ki Gram Panchayat bad ki briew ha man ki distrik.
Ka jingai rong ïa ki kynroh–La sdang ïa ka jingïakhun ai rong ïa ki kynroh ha kylleng ka ri halor ka ODF Plus ha ka 15 tarik u Nailar 2021. Lai tylli ki jylla kiba trei kham bha ha kane ka kam kin ïoh ïa ki khusnam ha ki phang bad ki zone bapher bapher. Ki san tylli ki phang ki dai ka BWM, GOBARdhan, PWM, GWM & FSM.
Khusnam NFC – Ïa ka jingïakhun hapdeng ki phlim na ka bynta ki Gram Panchayat la sdang ha ka 15 tarik u Nohprah 2021 halor ki bynta bapher jong ka ODF plus. Yn ai khusnam ha ki lai tylli ki phang; ki jaka ri lum, ki dewlynnong bad ki UT. La ai jngtyrwa haduh 33 tylli ki phlim da ki jylla na ka bynta kine ki khusnam ban sam ha kane ka sngi.
Ki khusnam na ka bynta ka Sujalam I bad Sujalam II – Yn sam ïa ka khusnam Sujalam 1.0 ha kane ka sngi ha ka nongrim jong ka prokram 100 sngi ba la sdang da ka tnat halor ka “ODF Plus Sustainability and Sujlam 1.0”. ka thong jong ka Sujalam 1.0 ka dei kaba la pynurlong pura ha ka 15 tarik u Rymphang 2022, ha kaba la ïoh jingtip shaphang ka jingdon haduh 1 million tylli ki soak pit na ka bynta ki iing bad ki shnong. Ban bteng ïa kane ka jingjop jong ka Sujalam 1.0, ka DDWS ka la sdang ïa ka 2.0 kaba peit ïa ka jindon ki lad pynkhuid um jaboh ha ki shnong bad ki jaka trei kum ki Panchayat Ghar, Primary Health Care Centre, ki skul, ki anganwadi centre bad kiwei kiwei ki jaka treikam jong ka sorkar. La dep tei palat 1 million tylli ki soak pit na ka bynta ki iing bad ki shnong hapoh kane haduh ka 30 tarik u Jylliew 2022.
Khusnam Start-up Grand Challenge – Ka DDWS ka la sdang ïa ka Start-up Grand Challenge ban wad ïa ki teknoloji ki ba lah ban ai ïa ki jingpynbeit ba lah ban kyrshan, ba jem dor bad kiba lah ban pynheh ha kaba ïadei bad ki jingeh ha ka jingpynkhuid ïa ki um jaboh ha ki jaka nongkyndong. Ka jingpeit bniah ka dei ban kot sha ka ‘Sampoorna Swachhta’ ha ki shnong ha kaba ïadei bad ka jingpynkhuid ïa ki um jaboh. La pynlong ïa ka jingïakhun bad la ïashim bynta da ki Start-up, nongai teknoloji, jaka ai jinghikai teknikal bad ki nongseng kam lajong hapoh hynniew tylli ki thup.
Khusnam Functionality Assessment 2022 – ban peit ïa ka rukom treikam ki bor ai um ha ki Jylla / UT, la pynlong ïa ka jingjurip man u snem da ka JJM ban sngewthuh ïa ka jinglong jingman jong ka jingpynpoi um sha ki iing. La ithuh ïa ka jingai kor um tang haba ka kor ka pynmih man ka por 55 lpcd ka um kaba BIS:10500. Mynta u snem, la pynlong ïa kane ka jingjurib ha baroh 33 tylli ki Jylla/ UT ha 712 tylli ki distrik ha kaba don 3.01 lak ki iing, bad 22,596 tylli ki jaka treikam ha ki shnong. Ïa ki jingshem jong kane ka jingjurip lah ban ïoh ha ka kaiphod.
Ka Swachh Bharat Diwas kam dei tang kawei ka prokram hynrei ka dei ka jingkut jong ki kam / prokram bapher bapher ha ki bynta jong ka SBM-G phase II. La pynlong ïa kine ki prokram shuwa jong kane –
Swachhta Hi Sewa (SHS) – ka dei ka prokram jong ki briew kiba ai ïa ka “shramdaan” ban kyrshan ïa ka jingkhuid ha ka ri. Ka dei ka kam kaba heh ha ki shnong ban pynkhuid ïa ki jaboh jabain ba la lang bad ki kam pynkhuid jakhlia ha kylleng ki jaka nongkyndong jong ka ri. La sdang ïa kane ka kam ha ka 15 tarik u Nailur bad ka kut ha ka 2 tarik u Risaw. Haduh ka 30 tarik u Nailur, palat 18 klur ngut ki briew ki la ïashim bynta ha ki kam SHS ha kylleng ka ri. Ka kam ka kynthup ïa:
Ka jingpynkhuid ïa ki jaboh jakhlia kiba lah lang ha ki jaka ba kham shem ïa kine ha ki shnong
Ka jingpynneh ïa ka jingkhuid harud ki jaka shong um da kaba thung ïa ki dieng ha ki catchment area
Sarpanch Samvads ha ka bynta jong ka ODF Plus
Ka jingthoh slogan bad ka jingbam smai na ka bynta “ka jingpynduh ïa ka jingbret ñiut pathar ”
Ka jingai jingtip ha ki shnong shaphang ka jingjied ïa ki ñiut kiba rkhiang bad kiba jhieh ha ki jaka ba pynmih ïa kine
Ka jingshna ïa ki jaka lum bad jied ïa ki jait ñiut
Ka jingthied ïa ki kali kit ñiut kum ki tricycle/ e-cart (ba pynïaid da ki battery) lyngba ka GeM
Ka jinglum ïa ki jaboh bym pyut kum ki plastic na ki iing
Ai jingtip shaphang ka jingma jong ki Single Use Plastic (SUP) da kaba pynlong ïa ki jingïalang Gram Sabha bad ka jingkut jingmut ban pynduh ïa ki SUP
Ban kyntiew ïa ki 4R na ka mynta ka jingpynkhuid ïa ki ñiut plastic – Refuse, Reduce, Reuse bad Recycle
Ka India kaba tylli na ka bynta ka Swachhata – ka dei ka prokram kyrpang kaba shi taiew na ka bynta ka jingkhuid kaba pura – ‘sampoorna swachhta’ ha 9 tylli ki jylla jong ka ri. Ki kam ki long ha ki jaka kum ki steshon rel, ki jaka khap duriaw, ki skul, ki AWC bad kiwei kiwei ban pyni ïa ki jingjop jong ka SBM ha kine ki 8 snem ba la dep.