Shillong, Nailur 09: Ki pulit kiba dei ban pynïaid ïa ki kali ha Garihana kila hap ban ïeng hajan ka thliew kaba la jylliew ha kane ka surok bah GS Road ban pynkiar ïa ki kali kiba kiew na ki thaiñ Mawlai ba kin kiar na ka thiew kaba heh kaba don hapdeng ka surok.
Kane ka surokbah GS Raod ka hab hapoh ka jingpeit jong ka NHAI ka sorkar pdeng, ka jingbym pyndap ne syrdep ïa katei ka jingsniew ka surok ka long kaba la pyndik ïa ki nongñiah kali namar ki kali rit ki la shem jingeh ban ïaid na kane ka surok.
Na ka liang jong ka tnad shna surok jong ka jylla kam shym la lah ban syrdep ïa kane ka jingjot ka surok ha kane ka jaka namar ba ïa kane ka surok la dei peit noh da ka NHAI, hynrei na ka liang jong ka NHAI kam shym la syrdep ïa kane ka surok.
Ki nongleit nongwan khamtam kiba la wan ban kiew na ki thaiñ Mawlai ki la ud bha ïa ka jingsniew kane ka surok wat la ka long tang shi jaka hynrei ka dei kaba la heh ka thliew, ka la buh ïa ki nongñiah kali ha ka jingeh naba kin hap ban kiar ïa kane ka thliew.
