Shillong, Nohprah 23 : Ka Shillong Lajong ka la ïoh ban khur suk ïa ki lai point na ka lym pung ïakhun jong ka I-League hadien ba ka la lah ban pynliem noh ïa ka Namdhari haduh 3-0 kol ha ka jingïakhun kaba long ha madan Polo ha ka janmiet sngi Saitjaiñ.
Kane ka jingjop ka dei hadien ba ka Shillong Lajong ka la mad ban ban ïa ka jingshah rem aduh ar sien.
Ïa kitei ki kol jong ka Shillong Lajong la ïoh ban thep da u rangïalehkai na Senegal, u Abdou Karim Samb ha ka minit kaba 27 jong ka kylla step. Katba ïa kol kaba ar la pynbud sa u rangïalehkai ka Brazil u Renan Paulinho ha ka minit kaba 54. Katba ïa ka kol kaba lai jong ka kynhun la ïoh ban thep da u Kenstar Kharshong ha ka minit kaba khatduh kata ha ka minit kaba 90+9 jong ka kylla miet
Ka jingjop jong ka kynhun ka la ai mynsiem haduh katta katta ïa ki paidbah nongkyrshan ha shwa ka aiom lehkmen Khristmas bad Snem Thymmai.
