Shillong, Risaw 06: Ka Meghalaya Association of Kickboxing Organisation (MAKO) hapoh ka lama jong ka Meghalaya School of Martial Arts (MSMA) sa shisien pat hapoh ka jingïalam jong u nongseng jong ka Kick Boxing ha Meghalaya, u Bah Donny Ranee bad ka Kong Bajoplin Kharmudai kum ki team Manager, ki la wanrah burom ïa ka jylla hi baroh kawei lyngba ki takma ba ki la khur na ka National Kickboxing kaba la long ha Multipurpose Sports Hall, Parade Ground, Dehradun-Uttarakhand.
Ha kane ka kynti, ki nongïalehkai kiba mihkhmat ïa ka jylla sha katei ka rynsan lehkai National Kickboxing ba la pynlong da ka Uttarakhand Kickboxing Association hapoh ka lama jong ka Natioral Kickboxing Federation (NKF-NG) kaba la ïoh jingithuh da ka Asian Kickboxing Confederation, ki la ïoh ban wanrah haduh 29 tylli ki takma kaba la long ka jingsngewsarong ïa ka ri bad ka jaitbynriew Meghalaya baroh kawei. Kine ki takma kiba la ïoh khur da ki 20 ngut ki Kickboxer ka MAKO ha kane ka lympung naduh ka kyrdan Sub-Junior, Junior bad ruh ka Senior ki long baroh 29 tylli (8 tylli ksiar, 14 tylli rupa bad 7 tylli ki rnong.
Kiba la ïoh ban khur takma ksiar ki kynthup: Jefferson Ryndong (11 yrs) Sub Junior-Light Contact (32 kg), Banshanskhem Nongkhlaw (12Yrs) Sub Junior-Light Contact (37 kg), Sany Khyriemmujat (15 Yrs) ha ar tylli ki kyrdan jong ka Junior kata ha kaLight Contact & Kick Light (65 kg), Hammyllienki Dkhar (20 Yrs) ha ar tylli ki kyrdan jong ka Senior (Point Fighter & Light Contact-52 kg), Francis R R Songthiang (22 Yrs) Senior – Kick Light 63 kg, Lorenza Songthiang (21 Yrs) Senior- Rina Sport (K1 Rule) 57 kg.
Kiba la khur takma rupa ki long: Ethan Nongdhar, Daomanmi Mynsong, Lucky-star Kharmudai, Daka-l Paka Lyngdoh (13Yrs), Ilawankmen Nongbri (18 Yrs), Espiranza Songthiang (18Yrs), Francis RR Songthiang, Fibeststar Songthiang, Mewanpynshngaiñ Nongrum, Nangkitboklang Songthiang, Lorenza Songthiang. Takma Rnong: Daka-l paka Lyngdoh, Luckystar Kharmudai, Nangsan Kharbithai, Da-o-wan, Micheal Kharmuti, Espiranza Songthiang,Michael Kharmuti.
