Shillong Lber 16: Arngut ki briew ba la shah kynnoh ba dei ki suba mynshoh ki la shah bom shnong ha ki paidbhur ha ka shnong Lawmei, East Khasi Hills District ha ka sngi Saitjaiñ.
Ia kine ki arngut la ïoh ban pyllait im da ki Pulit na ka kti jong ki paidbhur hadien ba ki la shah tangon haban da jem jai.
U Superintendent of Police ka East Khasi Hills u Ritiraj Ravi ula ïathuh, “ha ka por kumba 11:30 baje mynstep, uwei uba la 37 snem ka rta bad uwei uba la 20 snem ka rta, ki la shah kynnoh ba ki dei ki menshohnoh bad halor kane ka jingsuba ki paidbhur kiba la don kumba 200-300 ngut ki la kem bad bom shnong ïa ki.”
U SP ula ong shuh shuh, haba ki Pulit na ka thanad ka Sohïong ki la ïoh ïa kane ka jingtip marmar ki la leit sha ka shnong Lawmei ban pyllait im ïa kine ki ar ngut hynrei namarba u paidbah ula bun palat ki pulit SOT na Shillong ki la leit ban synran lang bad ki la ïoh ban pyllait ïa ki arngut na ka kti ki paidbhur.”
Ki Pulit ki la pynkit noh ïa kine ki arngut kiba la mynsaw jur sha Sohïong CHC bad kham hadien la pynkynriah noh ïa ki sha Shillong Civil Hospital, ong u Rituraj Ravi.
U la ïathuh ruh ba ki pulit ki la register case halor kane ka jingjia bad kin sa pynlong ïa ka jingtohkit kaba bniah.
