Nongstoiñ, Lber 20: Ka Office jong ka General Manager District Commerce & Industries Centre, West Khasi Hills District Nongstoiñ, kan pynlong ïa ka District Level Industrïal Exhibition 2024-2025 ha Tirot Sing Memorial Hall Pyndengumiong, Mairang ha ka 24 bad 25 tarik u Lber 2025.
Ha kane ka iew pyni nam, yn pyni bad die ïa ki mar kum ki tiar pynwan dur na ki maw, dieng, ki tiar thaiñ kti, ka um soh, ki jaiñ ryndia bad kiwei kiwei de.
Ka jingpynlong ïa kane Exhibition ka long ban ai rynsan ïa ki nongseng kam lajong, ki nongshna jingshna bad kiwei kiwei ba kin pyni ïa la ki jong ki sap bad ban kyntiew ruh ïa ka ïoh ka kot jong ki. Kan don ruh ka jingphylliew jingmut hapdeng ki nongpynmih tiar bad ki nongïarap ha kane ka liang bad ki riew shemphang ha ka ïoh ka kot.
Kumta, la khot la wer ïa ki paidbah bad baroh ba kin wan sha kane ka Exhibition bad ban ïohi ïa ki mar ki mata, ba la pynmih da ki trai shnong bad ïa ki sap ki phong jong ki bad ban kyntiew lem ïa ka ïoh ka kot jong ki.
