Shillong, Nohprah, 12: Ki Pulit ka Traffic Branch jong ka Lumdiengjri Police Station, Shillong ha ka sien kaba ar ki la shim halade ïa ka jingkitkhlieh ban maramot ïa ka surok GS Road kaba la sniew haduh katta katta ha ka shnong Lumdiengjri, Shillong namarba kane ka surok ka la sniew shaba palat bad ka wanrah ïa ka jingdheng kali kaba jur.
Shibnai tam mynshuwa kine ki juh ki Pulit pynïaid kali ki la maramot ïa kane ka surok namarba ka la sniew shaba palat.
Shuwa ïa kane ki la phah da ka jingthoh sha ka tnat PWD (Roads) jong ka Sorkar Jylla ban maramot noh kloi ïa kane ka surok hynrei ka jingbym sngap jong ka tnat PWD (Roads) kim banse ban mih hi shakhmat ban maramot dalade sa shisien biang ha kane ka sien ka baar.
Ha kane ka kynti ba mynta ki Pulit ki la pyndonkam ban kit ïa u khyndew da ka kali Gypsy kaba ki ju pyndonkam ban leit sha la ki kamram jong ki.
