Ha ka Children’s Day, ai jingirap ka Kyrmen Foundation ïa ka kawei ka ïing ki khun swet ha shnong Pynthorsale EJHD

Khliehriat naiwieng 16: Ka Kyrmen Foundation Centre kaba don ha East Jaiñtia Hills District, ka dei kawei na ki shlem ai jingirap ba radbah hapoh ka jylla, kane ka Foundation ka la trei ïa ki kam ba radbah bha bad ai ka jingshakri kaba bha tam ïa ki paidbah khamtam ha kito ki por ba don ka khlam covid-17, ha kane ka kynti ka la shim ïa ka synjam ban rakhe ïa ka sngi leh kmen ki khynnah, ka Children’s Day ha kaba myn ha ka 14 tarik mynta u bnai naiwieng ka kynhun ka la leit ban ai jingiarap ïa ka wei ka long ïing jong ki khynswet kiba im tang shi para kiba sah ba shong ha shnong Pynthorsale East Jaiñtia Hills District.
Ki dkhot jong katei ka Kyrmen Foundation ha ryngkat lang bad u Waheh Shnong Pynthorsale, u bah Yooki Phawa lem bad u secrytary shnong, u bah Pyrdimi Phawa ki ki la leit jngoh ïa katei ka long ïing jong ki khun swet, la ong ba ki don saw ngut shipara, i ba heh i dang don tang 10 snem kyrta, kine ki khynnah ki la duh noh ïa la ka kmie mynta la lai snem tam bad ki la shu im tang shi para bad la peit la jngoh ïa ki da ka Beilood jong ki, ki sah ha ka ïing kaba rit bha bad ka ïing kaba jot, ki shet ki tiew hi, ki bam bad ki thiah tang ma ki hi ha kata ka ïing kaba rit.
Na ka liang ka Kyrmen Foundation ka la ai sngewbha da u khaw, u jhur, ki jaiñ sopti ban phong, ki jaiñ kup thiah ba syaid, ki jingbam khynnah, la ong ba wat na ka liang u Waheh Shnong ruh um ju iehnoh ïa ki bad u ju leit ban peit ban jngoh ïa ki man ka por.