Ha ka 20 tarik yn pynlong Mock Exercise ha Shillong bad Tura
Shillong, Lber 17: Ka Deputy Commissioner bad Chairperson, District Disaster Management Authority (DDMA), East Khasi Hills District, Shillong ka la pyntip ba ka State Level Mock Exercise 2025 ha kaba ïadei bad u jumai kan long ha ka 20 tarik mynta u bnai, 2025 ha Shillong bad hadien pat ha baroh ki District bad Sub-Division.
ïa kane ka Mock Exercise yn ïashim bynta da ki tnat bapher ba kynthup ïa ka SDRF, Fire and Emergency Services, Police, DM & HO, MPRO, PWD, DSEO, Soil and Water Conservation, MUDA, Water Resources, Indian Red Cross Society bad ki volunteer na Aapda Mitra, NCC, NSS bad NYK. Civil Hospital, Ganesh Das MCH Hospital, Bethany Hospital, Nazareth Hospital, Woodland Hospital, Dr. H. Gordon Hospital, Super Care Hospital bad NEIGRIHMS.
Ha Shillong, ki jaka ban pynlong na ka State Level Mock Exercise ha ka 20 tarik kan long ha Buddha Vidya Ninetan Secondary School, Polo, Office ka Soil and Water Conservation, Lawmali, Polo Hills, Market Complex, Polo, Longkmie Gas Agency, Nongmensong, Star Service Station, Mawpat Wahheh, Pynthorumkhrah approach Bridge najan B.K. Bajoria, School, Wahingdoh bad Police Quarter Reserve.
Yn buh ïa ka Incident Command Post and Planning Section ha Polo hakhmat ka SRGT parking lot, Staging Area, Camp, Logistic Section kan long ha SRGT parking lot, Medical Post ha SRGT parking lot bad Polo Market Taxi Stand bad Relief Camp yn buh ha Shillong Secondary School, Polo.
Ha kaba ïadei bad kane ka jingpynlong ïa ka Mock Exercise, na ka liang ka Deputy Commissioner bad Chairperson, District Disaster Management Authority (DDMA), East Khasi Hills District ka la kyrpad ïa ki paidbah ban ïatreilang ha ki jingpynbeit da ki bor pynïaid distrik bad ban shah ïa ki ambulance, fire tender, ki rescue party ba kin pyndep ïa la ki kamram.
Ha kawei pat ka khubor u Deputy Commissioner and Chairman, District Disaster Management Authority (DDMA), West Garo Hills, Jagdish Chelani u la pyntip ba ka State Level Mock Exercise 2024-25 halor u jumai bad ka jingtwa khyndew kan long ha ka 20 tarik mynta u bnai ha Shillong bad ha baroh ki District bad Sub-Division. Ha shwa kane kan don ruh ka TableTop Exercise ha ka 18 tarik mynta u bnai, 2025.
Ki jaka ban pynlong kin long ha State Level Mock Exercise ha 20 tarik mynta u bnai bad District Council Office Building, Tura, Tura Civil Hospital, Tura, Tura Super Market, St. Xavier’s Secondary School, Tura and Deran Gittim, Tura. Yn buh ïa ka Incident Command Post (ICP) and Planning Section (PS) ha Circuit House, Tura katba ïa ka Operation Section (OS), Staging Area (SA), Relief Camp (RC), Logistic Section (LS) kan don ha Tura Government College kaba kynthup ïa ka Base, Camp bad kin don ka Medical Aid Post ha Tura Government College.
Kumta na kane ka jingpynlong ïa ka Mock Exercise kan don ka jingpynpah ïa ka Distress Siren ha ka por 9:30 baje mynstep bad la kyrpad ruh ïa ki paidbah ba kin ym tieng halor ka jingïohsngew ïa ka siren.