Ha Goa yn pynlong ïa ka National Games

Goa, Risaw 06: Hynne ka Sngi Thohdieng, haba ai jingkren sha ki lad pathai khurbor, u Myntri Rangbah jong ka jylla Goa, u Dr. Pramod Sawant lem bad ki dkhot jong ka State Sports Minister ki la pynpaw ba ka Goa thaw ïa ka history lyngba kane ka National Games kaba 37, bad kane ka long ban pynkheiñ ïa ka rekod da kaba kynthup haduh 43 tylli ki jait jingïalehkai (sporting disciplines) mynta u snem. Ha u ne u snem kin don katto katne ki jait jingïalehkai kiba na ka liang jong ka jylla ka la thmu ban wanrah ka ban tam palat ïa u snem ba ladep ba la long ha Gujarat, kaba kynthup tang 36 tylli ki jait jingïalehkai, bad ha Kerala snem 2015 da 33 tylli, mynta u snem ka National Games kan sa nangïar shuh shuh.
U Dr. Pramod Sawant u la pynpaw ba u don ka jingthmu kaba kyrpang na bynta ka jylla, da kaba ong, “Ngi kwah ban kyntiew ïa ka sawdon sawkun jong ka Goa haba ïadei bad ki kam ïalehkai. Kumba long ki nongjngohkai kiba sngewtynnat ban wankai sha ki rudnong kiba hapoh ka jylla, mynta ngi don jingthmu ban khring bad kyntiew ïa ka Sports. Ki rynsan ïalehkai kum ka Ironman bad ka World Table Tennis ki la ai jingmut ïa ngi ban kynthuplang ha kane ka kynti ba mynta. Ryngkat ka jingïatreilang bad ki kynhun ba khmih ïa ki jait jingïalehkai na bynta kane ka National Games, ngi kyrpad ruh ïa ki sports associations bad ïa ka national federations ban kyrshan lem ha kaba ïadei bad kane-. Bad ka thong ka jong ngi ka long ban kyntiew ïa ka sport ha Goa shajrong bad kham shajrong.”
Kane ka tamasa lehkai kaba kynthup ïa kiba bun ki jait Sport (multisport event) kan sakhi haduh 28 tylli ki jylla bad 8 tylli ki union territory ki ban sa shim bynta, kaba la pynkhreh ban sdang naduh 26 tarik u Risaw haduh 9 tarik u Naiwieng. La pynkhreh bun ki jaka ki ban pynlong ïa ki jingïalehkai bapher bapher, ïa ka cycling bad golf yn pynlong ha Delhi.
Kane kan dei ka sienjam kaba thymmai ïa ka National Games, ha kaba mynta u snem yn sakhi ïa kiba bun ki jait sports ki ban sa kynthuplang, kiba kynthup ïa ka beach football, roll ball, golf, sepaktakraw, sqay martial arts, kalliyarapattu, and pencak silat. Additionally, yachting bad taekwondo ki ban sa ïohrung biang sha kane ka lympung hadien ba shah weng ha ka sien pynlong ba khadduh.
Shuh shuh, kum shi bynta ban rakhe ïa ka tynrai jong ka jylla, la ïoh ruh ban kynthup ïa ka lagori bad gatka kum ka sport.
Na ka liang jong u Myntri ka Sport jylla Goa, u Govind Gaude u la pynpaw ïa ka jingdonkam jong kane ka lympung, da kaba ong, “Kane ka 37th National Games kam long tang ka lympung; ka long ka kabu ban kyntiew ïa ki nongïalehkai ha kylleng ka ri ndia. Katba ngi dang pynkhreh ban pdiang pynlong ïa kane ka lympung ha Goa, ym dei tang ba ngi rakhe lehkmen na bynta ka Sports hynrei ban kynmaw ruh ïa ka Asian Games. Ka thong ka jong ngi kam long tang ban pynïar ïa ki nongshimbynta hynrei bankyntiew ïa ka Sport na bynta baroh ki jylla. Ryngkatlang ngin pynlong ïa ka 37th National Games ka lympung ka ban sah jingkynmaw, ka shap ka jingïatylli bad u mawjam na bynta ka lawei jong ka sports ha India.”
Haba phai sha ki snem ba ladep jong ka National Games la sakhi ïa ka jingwanshimbynta ki nongïalehkai kiba ju mihkhmat ïa ri kum u Neeraj Chopra, Sania Mirza, Mirabai Chanu, Sajan Prakash, bad u Manu Bhaker.
Ha u ne u snem kin don palat 10,000 ngut ki nongïalehkai kiba shimbynta ha ki jingïalehkai bapher bapher bad na ka liang jong ka jylla Goa ka khmihlynti ïa ka jingïasnohktilang jong ki jylla ban pynlong ïa kane ka National Games kaba shongshit bad ka ban sah jingkynmaw ym tang ïa ka jylla hynrei ïa ka ri India baroh kawei.