Donkam ka BAA ïa ki pyndonkam LPG ha ki ïing khnang ban ïoh jingïarap pisa: DC Supply

Shillong, Risaw 26: Ka ophis u Deputy Commissioner (Supply), East Khasi Hills lyngba ka kyrwoh khubor ka la pyntip sha baroh kiba shim LPG kiba hap hapoh ka District bad la donkam da u Biometric Aadhaar Authentication (BAA) ïa ki nong pyndonkam LPG ha ki ïing ki sem ban ïoh ki jingïarap pisa ha ka dor ba la buh, naduh ka 1 tarik Risaw, 2026.
Katba kito kiba la pyndep ïa ka BAA kim donkam shuh ïa une u shonshap. Kito kiba dang khlem pat pyndep ïa ka jingpynshisha ki dei ban pyndep khnang ban ïoh pat ïa ka gas LPG ha ka dor ba la buh bad ka jingïarap kaba dei hok.
ïa ka jingpynshisha lah ban pyndep da kiba wanrah gas ha ïing ha ka por ba pynpoi ïa ka gas LPG da kaba pyndonkam da ka mobile application jong katei ka Oil Marketing Company (OMC) lane da kaba leit sha u nongpyllait gas.
Katba ïa ka jingpynshisha, lah ban pyndep lyngba ka OMC mobile applications – Indian Oil ONE na ka bynta kiba shim gas na Indane, Hello BPCL na ka bynta kiba shim gas na Bharat gas bad HP PAY na ka bynta ki nongshim gas na HP Gas.
Kito ki bym treh ban pyndep ïa u BAA ki lah ban rejistar lyngba ki channe digital jong ka OMC na ka bynta ban ïoh gas ha ka dor ba la buh, khlem kano kano ka subsidy ha ki 5 kilo lane kilo ki tyndong lyer gas, katkum ka jingïoh. Ïa ki nongshim LPG ki bym pat pyndep ïa u BAA kin nym ïoh gas bad kin sa ïoh tad ynda kila pyndep ïa u BAA bad kiwei pat ki jingdonkam.