Dep pynkhreh ïa ki Photo Electoral Rolls ki lai Constituency

Nongstoiñ, Risaw 29: Ki Electoral Registration Officer jong ka 32-Nongstoiñ, 33-Rambrai Jyrngam bad 34-Mawshynrut (ST) Assembly Constituencies, ki la pyntip ba ïa ka photo electoral rolls la dep ban pynkhreh katkum ka RER, 1960 bad ïa kane ka copy lah ruh ban leit peit na ka office jong u Deputy Commissioner (Election) bad na kino kino ki Polling Station ha ki por long trei.
Ka tarik ban peit bniah ha ka electoral roll kan long ka 1 tarik u Kyllalyngkot 2025. Ban pynrung kyrteng ha ka electoral roll lane lada don kino kino ki jingujor lah ban leh ïa kane ha lane shwa ka 28 tarik u Naiwieng 2024 ha ki form 6,6B, 7 lane 8 bad ban submit sha ki Assistant Electoral Officers jong kine ki Polling Station lane ban phah da ka post ha lane shwa ka tarik ba la buh.
Kumta kino kino ki samla nongshong shnong ki ban sa ïoh 18 snem ka karta ha ki tarik ba la jied ha u snem 2025 kata lada ka long ka 1 tarik u Ïaiong 2025, 1 tarik u Naitung 2025 lane 1 Risaw 2025, ki lah ban pynrung lypa ïa ki kyrteng jong ki ha ka electoral roll ha ka form 6 naduh ba la pynmih ïa kane ka jingpynbna.