Shillong, K’lyngkot 24: Ka Ri War Development Organisation (RWDO) ha ka sngi Ba-ar ka la aiti da ka jingthoh ha ki bor pynïaid jong ka National Highways and Infrastructure Develop ment Corporation Limited (NHIDCL), Shillong ban dawa ba ka dei ban maramot noh ïa ka surok naduh 7 mer ter ter shaduh Dawki.
Ka Seng ka ai por tang hapoh 30 sngi ba kan bthah ïa ka ARSS& RSS Infra Zone kaba pyntrei ïa ka surok two lane naduh 7 mer ter ter shaduh Dawki ha ka jingshna pynheh ïa ka surok Shillong Dawki ba kin marmot noh mardor ïa kane ka surok.
Ha ka dorkhas ba ka seng ka la aiti sha ka National Highways and Infrastruc ture Development Corpo ration Limited ka la kdew ba ka jingjot jong ka surok ka la long shaba palat liam naduh ka shnong Pynursla ter ter shaduh ka shnong Pongtung .
