Dawa ka KJDSTA ïa ka sorkar ba kan pyntreikam da ka draft penssion jong u snem 2023

Nongstoiñ, Jymmang 04 : Ka synjuk jong ki nonghikai skul defficit hapoh ka jylla kaba la tip kum ka Khasi Jaiñtia Defficit School Teachers Associtiation kaba kynthup lang ruh ïa kka synjuk kaba na ri lum Garo kaba la tip kum ka Garo Hills Deficit School Teachers Associtiation kaba la kyrshan lang da ka Defficit College Teachers Associtiation mynta ka lah sngi u blei ka 4 tarik Jymmang ka la sdang ïa ka jingïkhih da kaba shu tah da ki poster ha man la kawei pa kawei ka skul.
Ha West Khasi hills katei ka synjuk ka la sdang na St.Peter’s Higher Secondary School da kaba tah ïa ki poster ha khmat ka khyrdop ban rung sha katei ka skul kiba la thoh ïa ki mat jingdawa bad ba la kdew shai ruh ba ka jingdawa jong ki ka long kaba shongnia bad kaba la kdew ruh kat kum ka Article 14.
U Babu K.Mukhim nongai ktien jong ka Associtiation haba ïakren bad ki lad pathaikhubor ha katei ka khyrdop u la ong ba ka jingdawa jong ka syjuk ka dei na ka bynta jong baroh ki nonghikai kiba la thung naduh u snem 2010 ba kynthup naduh ki Lower Primary, Upper primay, Secondary, Higher Seconary bad ki Collge kiba ka jingsiew jong ka sorkar ka dei da ka deficit system.
U babu Mukhim u la ong ruh ba ka sorkar ka la pyntrei kam ïa kiba bun ki jingdawa ba ka synujuk ka la dawa naduh ki snem ba mynshuwa hynrei kid an don bun ki mat kiba ka sorkar kam shym pat la pyndep.Nalor kata u la ong ba ha u snem 2023 ka sorkar ka la mynjur ïa ka draft pension jong ki nonghikai defficit skul hynrei kaba lyngoh ka long ba ha une u snem 2026 ka sorkar ka la pynkylla bun jait bun rukom haduh ba ka la pynlyngoh bad pynsngew artatien ïa ki nonghikai.
U la ong ruh ba ïa ka jingsiew kaba dei ka CPF baroh ki nonghikai ki la dep deposit hapoh Head office ha Laitumkhrah. U la ong ruh ba na ka liang ka synjuk kan ym lah satia ban pdiang ïa ka jingpynkylla jong ka sorkar ïa ka draf pension 2023 bad dei halor katei ka nongrim ba ki la hap ban dawa ba ka sorkar ka dei ban pyntrei kam beit da ka draft pension 2023. Ha kajuh ka por u la ong ba ka jingtah poster ka dei tang ka jingsdang kaba rit namar ba ïa mynta kim kwah satia ban pynthut ïa ki skul bad ba ki khynnah kin duh ï ki klass ki jong ki.Nalor kata u la ong ba lada ka sorkar kam sngap ïa ka jingdawa jong ki da ka jingtah poster ha kawei –pa kawei ka skul deficit ka synjuk kan sa khot da ka jingïalang ban ïapyrkhat halor kitei ki mat jingdawa bad lada ka sorkar kam pynsgap kim banse ban mih sha surok ban pynlong da ka jingïakhih kaba tyngeh.