Dawa ka HNYM na u JE ban ker sawdong ïa u Transformer ha ka shnong Khonshnong

0

Jowai, Ïaïong 13: Ka Hynñiewtrep National Youth Movement (HNYM) Khonshnong Unit mynta ka sngi ka 13 tarik hapoh ka jingïalam u President samla Leoferdinand Suiam ha ryngkat ki dkhot ka HNYM West Jaiñtia Hills District, kila leit ïa kynduh ïa ki nongtrei jong ka Shangpung Distribution Sub-Division ban dawa ker sawdong (Fencing) noh ïa u Transformer uba don ha rud surok marjan bad ka ïing briew ha ka shnong Khonshnong.
Ka jingthmu jong ka seng ban leit ïa kynduh bad u Assistant Executive Engineer Shangpung Distribution Sub-Division hynrei namar ba u AE Engineer um don ha ka met ka ba khlaiñ, kumta ka seng ka la ïoh ban ïa kynduh tang ïa u Junior Engineer jong katei ka Division u ma D. Kyndiah bad ka seng ka la dawa na u Junior Engineer ba kin ker Fencing noh ïa u Transformer ba don hapoh katei ka shnong ha shwa ba kan wan kano kano ka jingjia ba sngewsih hapoh ka shnong.
Ha ka juh ka por na ka liang jong u JE ruh ula kular ïaki nongïalam jong ka Seng ba yn shim khia mardor ïa katei ka jingdawa jong ka seng bad ban ker noh ïa utei u Transformer uba lah ban buh jingma ïa ki paidbah ba ïaid lynti najan. Na ka liang ka seng kala ong ba kam nym shongthait lada kam ïohi ïa ka jingtrei kam jong katei ka tnad ban ker ïa utei u Transformer.

Leave A Reply

Your email address will not be published.