Dawa bai lutksan ka CoRP na bynta kiba ïap shah bat bording ha Nar-ang, leit ai jingïarap ka Ri Bhoi Youth Movement

0

Nongpoh, Risaw 10: Tang hadien ba 2 ngut ki mynsiem briew kila duh noh ïala ka jong ka jingim hadien ka jingdkut noh jong u sainar elektrik ha phyllaw jong kawei ka longiing haka shnong Narang, bala kynnoh ruh ba dei ka jingleh torti jong ka tnad MeECL, ka CoRP mynta ka sngi kala mih shakhmat ban pynrem jur ïa katei ka jingjia bad kumjuh ïaka tnad MeECL kaba la shul eh thurmur bad khlem shimkhia namar katei ka jingdkut u sainar elektrik kam dei shuh ka sien ba nyngkong.
Haba phah ïaka kyrwoh naka liang u Bah Marcus Makri General Secretary ka CoRP, Ri-Bhoi District u la kyntu ïaka tnad MeECL ba kam dei ban kheiñ sting ïaki jingjia kiba lah ban ktah ïaka iap ka im jong ki paidbah hynrei ban shimkhia khnang ba kitei ki jingjia kin nym jia shuh nangne shakhmat.
Haka juh ka por naka liang ka tnad MeECL kala phah ruh ïaka jingsngewlem sha ki bahaiing jong katei ka longiing kaba mad ïa katei ka jingjia ba sngewsih bad dawa ruh da ka tnad MeECL ba ka dei ban siew ïaka bai lutksan halor ka jingduh noh ki 2 ngut ki mynsiem briew.
Haka juh ka sngi naka liang ka seng Ri Bhoi Youth Movement hapoh ka jingïalam u Bah David Syngkli General Secretary kila leit ban noh synñiang da ka pisa sha katei ka longiing kaba la mad ïaka jingjia ba sngewsih bad phah ruh ïaka kyrwoh sngewlem sha ki bahaiing hasem jong ka longkmie kaba la khlad noh bad iwei ki khyllung ba dang 3 snem ka rta.

Leave A Reply

Your email address will not be published.