Dang pynkhreh ka Sorkar ban shimti sa 68 acre ka jaka ban pynheh ïa ka Kad Liengsuin Baljek

Shillong, Rymphang 20: U Symbud Myntri Rangbah ka Jylla ba khmih ïa ka Tnad Transport u Ma Sniawbhalang Dhar mynta ka sngi Ba-ar, ula ïathuh ba dang donkam sa 68 acre ka jaka ban pynlong ïa ka Baljek Airport kaba treikam bad ka jingpynkhreh ka sorkar ban shimti ïa ka jaka ka la ïaid shakhmat.
Haba jubab hapoh ïing Dorbar, u Ma Sniawbha ula ong “Ngi dang pynkhreh mynta ïa ki jingdonkam ban thied sa 68 acre ka jaka”.
U ïathuh ba kane ka long hadien ba ka Airport Authority of India (AAI) kala pan shuh shuh ïa ka jaka ban pynlong ïa kane ka kad liengsuiñ ne airport kaba treikam.
Ia mynta, ka Baljek Airport ka don ha ka jaka ba 120 acre.U Ma Sniawbha u pyntip ba ka pisa ba 3 klur tygnka la dep ban mang ha ka kylla kaba ar ban thied ïa ka jaka.
Kat kum ka jingong jong u, ka runway jong kane ka kad ka donkam ban hap pynheh naka 110 meter sha ka 1750 meter ban lah hiar ki liengsuin ART.
U pyntip ruh ba u Myntri Rangbah ka Jylla ula dep thoh shithi sha ka AAI hynrei sngewsih ba ka jubab ba ïoh ka long ba ym don satia ki kompani kiba kwah ban pynïaid ïa ki liengsuiñ kiba rit na kane ka kad.